وسلمى غدت بالتابعيه غاده

[فواز الغسلان]

كنت اشرب الفنجال دايــم سـاده=يـوم الــونـاســه حـولـنــا موجـوده
والـيـــوم زدنــــا مـن حــلاه زيــاده=دام الحـــلاوه بـالحـشــى مـفــقـوده
وان قلـتـوا المقياس عكـس الـعاده=وش جاب بـيـشـه مع غضى ساموده
وقلتوا قدح عـقـب الشباب زناده=والا رصـعـتـوا خـتـم نـقـص الجوده
قـلــــت الاوادم عــدلــــت مـيــــلاده=وجـابــت دلـيــل اقـوالـهـا وشهـوده
وسـلـمــى غــدت بالـتـابـعـيـه غــاده=يـمـكـن مـع الـتـعــديل ينحف عوده
وهــذي زوامـلـنـــا شـكــت بـقــيــاده=والحـشـو يـلـعـب مـع نجــايـب ذوده
والـنــوم وقـت الـرزق صـار عـبـاده=وبـعـض الـعرب تـفـخـر بكـثر رقـوده
والـنــاس وش حــط الـوهـن بـبـلاده=بالــرغـــم مـن كـبــره وكـثــر جـنـوده
الا الـشـبــاب الـلـــي يـحــب وســاده=ويـهـــاب حـــس الــرمــي مـن بـــاروده
ولا راح يـقــــدر يـسـتــعــيـــد امـجـــاده=جــيــــلٍ هــزيــلٍ طــــايـــحٍ مـجــهـــوده
واصبح حديث الناس طيـب اجداده=ونـعـمـيـن فـي رجـلٍ شـمـخ في جـوده
يـفـــخــــر بـرجــــلٍ مـا ورد مـيــــراده=ولا قــــام يـتـــبــع خــطــــتــــه وحـــدوده
والشيخ لو يـرهـب صـفـوف اضداده=وطـبـــايـعـــه بـيـــن الـعــرب مـحـمــوده
ان مـاسـرى طـيـــبــه بـطــبــــع احــفـــاده=وصــــاروا مـثـــل سـبــع الخـــلا وفـهــوده
يـصــيــر مـثـــل الـنـــار عــقــب اخـمــاده=ولا راح تـســـمـــع بـالـــعـــرب مــردوده
وصـارت سـفــاهـات الـعـرب واحـقـاده=بالـلــي ظــهـــر طـيــبـــه وبــان صـمـوده
لا طــق فـــي لـــوح الـكــــرام اوتـــاده=تـبــدى هــــروج الـشــلـــة الـمــقــــروده
الـلــي الـيــــا سـمـــع الـســوالــــف زاده=مـن لاهــبٍ يـطــفــر بـوســط كـبــوده
بالـطـيـــب مـا يـلـحـــق عـلـــى عـــداده=وان جــاء مـقـــام الـبــذل صـــر نـقــوده
ويكــره مـديـحــك لـلـــنـــدى واجــواده=ويـبـــدى بـبـــهـــتــــانــــه ونـتــــف جــلــوده
لا هــو رجـــى رب الــمــــلا مـيــــعــــاده=ولا هـاب مـن بـعـض العـرب مـنـقـوده
ويـزبــن بـســاعـــات الــقـســى مـلــبــاده=خــوف الـهـــواء يخــدش لـيـان خـدوده
ودنـيــاك دايـــم نـقــص مـهـمــا جــاده=ومـلـفــى الخــلايــق فـي ظلام لحوده
وتجـمــع بـهــا الـلــي عـايــشٍ بأنكــاده=واللي خـذى طـيـب الرخى وسعوده
والـمــــال واهــــل الـــمــال كـلــه بـــاده=وصــارت بـمـيــراث الـعـرب مرصوده
وكــم هــــالــكٍ ورثــه لـــغــيــــر اولاده=حـكـمــه ولا احــدن فــاهــمٍ مـقـصـوده
واللــي بـنــى زيــن الـقــصــور وشــاده=خــــلاه لـلــي مـا شـكـــى مـن كـــوده
عسى الـسـحـاب الـلـي رجـف رعـاده=وسـيـلـه يـشـيـل مـن الجـبـل جـلـموده
عـســاه تـســري بـالــدجــى مـنـــقــــاده=وبـرقـــه يـنــيـــر مـن الـلــيــالــي سـوده
تسـقــي ديــار الـلــي دهــرهـــا صـــاده=تشـكــي ديــايـيـــن الـعــرب وقـصـوده
دام الــزمـــان الـشــيـــن زاد عــــنــــاده=وصارت دروب اهل الصخى مسدوده
يــاراحـــــمٍ خـلــقـــــك ويــا مـسـنــاده=ولــولاك ضــاعــت عـهــدتـه وعـهـوده

[الطائر المهاجر]

صح لسانك واعتلى شأنك
نص رائع من شاعر رائع
لاهنت يالغالي
تقديري واحترامي

[احمد الكثيري]

مليون في مليون صح لسانك نص جميل وراائع لاهان
راسك يابعدي نص في منتهى الروعه نثرت الروعه
والجمااااال هنا
لك تقديري

[صعبة المنال]

المبدع ابن غسلان

صح لسانك
مدد بلا عدد

صعووب

[احمد الجريفاني]

رائع ابا فهد سلم الراس

[ام العمده]

الله الله الله

صح لسانك واعتلا شانك

لاهنت على هذه الشامخـــــــه

ابدعت بهذه الرائعه



دمت بخير

[نجم الإبداع]

ارحب يافواز



وصح لسانك على المصافحه الجزله

لاهنت

تقبل مروري

وودي

[نجم الإبداع]

ارحب يافواز



وصح لسانك على المصافحه الجزله

لاهنت

تقبل مروري

وودي

[عبيد دعيع القلادي]

صح لسانك واعتلى شأنك

نص رائع من شاعر رائع

لاهنت يالغالي

تقديري واحترامي

[منيع]

ابيات رائعه ومعبره
بارك الله فيكم
تحياتي وتقديري