خلف اللثام ودوبها تدرج النون

[نجم الإبداع]

صوتك ذبحني كيف لاشفت عينك=خلف اللثام ودوبها تدرج النون
الظن ياخذني عن الخود زينك=والناس من حبي وحبك يجنون
رغم المسافه بين عيني وبينك =ورد الهوى منه المشاعر يجنون
في خافقي حبك وانا في يدينك=عصفور حب الغيد لاجله يونون
ياغصن يسبي قلبي الصب لينك=يجرحك هب النسمه وتقلب اللون
لاتبعدي عني بباقي سنينك =خليك قدامي وانا فيك مفتون
يازين لوعاتك وصافي حنينك=والصوت به رنّه وونات وفنون
بحر الغرام انتي فراعي ضنينك=لو كان قاسي مابكى واشتكى الكون

[فارس القوافي]

لا بك يابو محمد

صح لسانك

لاهنت

جزالة وابداع

يعطيك العافية

دمت بخير

[داعي الشوق]

صح لسانك يا نجم الابداع

و رائع جدا يا بو محمد

و لاهنت

،،،،،،،،،،،،،،،

[سعيد مقبل الأكلبي]

صح لسانك وطاب بيانك يافلاح

[الطائر المهاجر]

سلمت
وصح لسانك وقلبك الاخضر
جزلة وطيبة من راس طيب
لاهنت
تحياتي

[منيع]

ابيات رائعه تستحق الاعجاب
شكرا لكم ابومحمد
تحياتي

[شجون القصيد]

شاعر العذوبة

وعذب الشعر ... نجم الابداااع ...

الله الله عليك

صح لسانك ..

وطاب فالك

أستمتع كثيراً وأنا أبحر بين طيات حروفك

وكعادة حضورك

يسحر بجنون ..

يأسر بقوووووه ..

و يبادر في رسم الجزاله والجمااال

اتشرف بالمكوث طويلا هنا ارتشف هذا الابداع

تحياااتي

[نفحات حساسة]

في خافقي حبك وانا فـي يدينـك

عصفور حب الغيد لاجله يونـون

صح السانك..ولاهنت

رائعه كروعه روحك..سلمت وسلم فكرك

تحياتى وتقديرى..

[مبروك بن ماضي]

حضور متميز ..
لشاعر متميز ..
القدير / فلاح بن منشار
سلمت يمينك ..
ودمت رائعاً متألقاً .
تحياتي،،

[الـزلـزال]

فلاح بن منشار
بوح مميز وجميل
من شاعر متمكن ورائع في كل مايقدمه
مبدع فلاحنا وممتع دائمآ وغير مستغرب منك كل ماتقدمه
فأنت أهلآ للتميز والأبداع
صح لسانك ملايين ملايين
ولك فائق تحياتي وتقديري