أبي لي من ينادمني

[زهرة اللوتس]

احب الناس واطرب للصغير وللضعيف آحيـف
ولالي برج واشوف البشر من فـوق وامـاري


صح لسانك

[صعبة المنال]

وانا ما احب كثر البلبلـه ولااعشـق التزييـف
ولااحب ان أجي في موطن ن ويقـل مقـداري
احب الناس واطرب للصغير وللضعيف آحيـف
ولالي برج واشوف البشر من فـوق وامـاري


صح لسانك يا ابو انس

دوم فى القمة

صعوووووووووب

[صعبة المنال]

ابداع من اهل الابداع

دام حرفك وصح لسانك

صعووووووووب

[عبدالله مذكر العقيلي]

عدنا وبالتميز سعدنا

صح لسانك وفكرك


دمتم بخير

[عمر ال شيبي]

المشاركة الأصلية كتبت بواسطة ابو أنس

للتواصل مع قلوبكم النقيه وذوائقكم الراقيه
بكل الود...
أضع هذا النص طامعا في المشاركة من قراءتكم التي استشعرها وأطرب لها واتذوق مداخلاتكم

أبي لي من ينادمني على فنجان بن وكيف=على ربوة رمل في ليلة ن بيضا وقمّاري
ابنثر ما لجا في الصدر وهمومي بلاتكليف=لعله وان تعب سمعه أناجي نجمي الساري
ألاياهمي الساكن ورا ماصرت مثل الضيف=تحط وترتحل ما ابيك لاخلي ولاجاري
غرابيل الزمان ان جت تجي يمّي بلاتسويف=على غفله تداهمني بلاميعاد واجباري
لها موج ن تقول.. جبال ـ وا..بعد البلد والسيف=ولاني ماهر وسبّاح مير الله هو الذاري
الا ياليت لي قلبن صليبن ما هترى ورهيف=مطنش ماحسب حسبه ولاهو بالعرب داري
ينام وينتبه ماهمّه المدخال والتصريف=ولاهمّه شراع الجيلبوت اوكَسْرة الصاري
سألتك يالهموم ان كان لك خيره تخلي الحيف=ترا قسمك علينا جور منك الظلم لي جاري
وانا ماقلت ياهمي ابيك تمر مر الطيف=ولكن صر خفيف الظل دارك ماهي بداري
الى جانا الشتا قلنا يقولون الفرج في الصيف=يمر الصيف وتمر السنين وطيفك يباري
تعبت اليوم ياهمي ولاعاد اقدر التحريف=على وجهي بدت كل الوسوم وما اقدر اداري
فرح في العدو وعاذلي لومه غدا تعنيف=وانا ياهم من ثقلك قعدت آكسر عباري
وانا ما احب كثر البلبله ولااعشق التزييف=ولااحب ان أجي في موطن ن ويقل مقداري
احب الناس واطرب للصغير وللضعيف آحيف=ولالي برج واشوف البشر من فوق واماري

أبو أنس...14/04/1431هـ

واماري

الله عليك ما اجمل العود لذوقك وتفكيرك

[نفحات حساسة]

ينـام وينتبـه ماهمّـه المدخـال والتصريـف

ولاهمّه شراع الجيلبـوت اوكَسْـرة الصـاري

سألتك يالهموم ان كان لك خيره تخلي الحيـف

ترا قسمك علينا جور منك الظلـم لـي جـاري

صح السانك.. ولاهنت

أبيات رائعه..تستحق منا العودة

يعطيك العافيه.. ولاهنت

تحيتي لك..

[بنت العز]

صح لسانك مليون

قصيدة جزلة من شاعرجزل

سلمت ودام حرفك

[نفحات حساسة]

سألتك يالهموم ان كان لك خيره تخلي الحيـف

ترا قسمك علينا جور منك الظلـم لـي جـاري

وانا ماقلت ياهمـي ابيـك تمـر مـر الطيـف

ولكن صر خفيف الظـل دارك ماهـي بـداري

صح السانك.. ولا هنت

رائعه تستحق منا العوده والاستمتاع

يعطيك العافيه.. وسلمت

تحيتي لك..

[زهرة اللوتس]

سألتك يالهموم ان كان لك خيره تخلي الحيـف
ترا قسمك علينا جور منك الظلـم لـي جـاري
وانا ماقلت ياهمـي ابيـك تمـر مـر الطيـف
ولكن صر خفيف الظـل دارك ماهـي بـداري

صح السانك

[صعبة المنال]

سألتك يالهموم ان كان لك خيره تخلي الحيـف
ترا قسمك علينا جور منك الظلـم لـي جـاري


صح لسانك ابو أنس