شارك ببيت أعجبك

[رفيعة الشان]

اعشق سميك في البزارين وادعيه*** واقبل خطاه الى خطا واتلقااه

واسمك يروعني الى مر طاريه *** واحب ملقوف يسولف وطراه

وامر بيتك من بعيد(ن) ولا اجيه *** وانا لوننه في يدي ماتعدداه

حتى تواير موتري تلتفت فيه *** تبغي تلف ويستحي العقل والجاه

ويلي على ادري حبنا ويش تاليه *** وويلي على ادري وش ورى الغيب ويلاه

عشان اشوف اذا محبتك ترفيه *** والله لاقفي عنك ..استغفر الله

[ندى الورد]

كم عبـره لاغفيـت اكنهـا بصـدري
مير البلا لاقعـدت الصبـح ماراحـت

تكبر معي تدرك المحجـر ولا تجـري
من يوصف الدمعه اللي مابعد طاحت

[محمد عبدالله البدراني]

اللي خذاه الموت نبكي وننساه
.................. الموت من نبكي فراقه وهو حي ؟؟!!!!!