الا ياطارد الدنيا ولا تدري بك المطرود

[بنت النور]

المشاركة الأصلية كتبت بواسطة الطائر المهاجر

الا ياطارد الدنيا ولا تدري بك المطرود= تمهل فانت ما تقدر بآمالك تجاريها
تبي عز وتبي جاهٍ ونجمك دايم بصعود= وتلعب بك خوينه وين ماتتبع خطاويها
فقبلك غرت رجالٍ ثقاتٍ بالملا وعدود= تلاقوا تحت اديم ارضٍ مشوا يومٍ بعاليها
ترى دنياك جسر تعبره للآخره ممدود= فلا تتركه يهوي بك لنار يوم تصليها
ولو تجمع كنوز الأرض يومٍ بالثرى ممهود=فلا تخدعك ضحكتها اذا زانت مواريها
فحكّم عقلك الواعي قبل ما تصبح المصيود= وخذ من دنيتك للاخره تكسب تواليها
عليك حقوق لا تجهل لربٍ واحدٍ معبود= معك من وين ما تمشي ونفسك عالمٍ فيها
فراقب كل خطواتك ترى حولك الوف شهود= من لسانك الى شعرك واسرارٍ تخبيها
ترى الدين النصيحه انتبه لاتجهل المقصود= لمن شفته مشى بدروب تاخذه بمهاويها
حذاري من يبيع الدين لو قالوا بعلمه زود= تشوفه كل يومٍ في قناة الخلق يفتيها
ومن حطوه ببنوكٍ يحلل مايبوا بركود= ومن يفتي لاجل ياصل وظيفه دوم يرجيها
ومن يخدم عدو الدين من مستعمرٍ ويهود= يشعلل كل يوم لفتنة محدٍ يطفيها
يخلي مسلمٍ يقتل لمسلم عن حماه يذود= باسم ثورات مرسومه وصهيونٍ يواليها
الين اليوم اصبحنا شتات وما بنا من فود= مابين القتل والتشريد ماندري بخافيها
بسبة من يبيع الدين جمّع للعدو جنود= على كيفه يمشيهم ويهدم في مبانيها

دنياجميله إللي يمشي فيها صح
يعطيك العافيه
وصح لسانك ولاهان راسك
ياشاعر الفطاحله
قصيده في قمة الابداع
تقبل تحياتي

[جهاد الشعلان]

صدقت يابوعبدالله عسى الله يصلح الحال


صح لسانك جزلة وهادفة

تقبل مروري

[الراقي]

صح السانك حتى ترضى
ودمت بسعاده يا جزل
مع ارق التحايا

[حرف وشعر]

ومن يخدم عـدو الديـن مـن مستعمـرٍ ويهـوديشـعـلـل كـــل يـــوم لفـتـنـة مـحــدٍ يطـفـيـهـا
ياسلام يالطائر ياسلام ،،
نص حكيم ورائع

[حي الضمير]

عليـك حـقـوق لا تجـهـل لــربٍ واحــدٍ معـبـود./معك من وين ما تمشـي ونفسـك عالـمٍ فيهـا

رائعه تستحق المقدمه
لافض فوك

[سعيد عوده الحويطي]

صح لسانك يادكتور دايما تتحفنا بافكارك النيره ودررك الندره تحياتي لك

[الطائر المهاجر]

شكرا ساهر
على كريم المتابعه
لاهنت
تحياتي

[الطائر المهاجر]

شكرا داعي
على كريم المتابعه
لاهنت
تحياتي

[الطائر المهاجر]

شكرا السويلم
على كريم المتابعه
لاهنت
تحياتي

[الطائر المهاجر]

شكرا الطامي
على كريم المتابعه
لاهنت
تحياتي