بالعالم الثالث اذا تبغى السلامه

[الطائر المهاجر]

بالعالم الثالث اذا تبغى السلامه= خلك عمى اصقه وبالسانك لجامه
تمشي تباري الساس في كل الدروب= ولو ضايقك واحد فلا تحاول خصامه
وخلك قنوع برزقك اللي لك مقدر = تمد رجلك قد لحافك في تمامه
تدري بأن الوقت غير للنفوس= ماعاد به مبدأ ودين واستقامه
وقت المهايط والمدح باقصى نفاق= وقت التسلط والجهل باين عتامه
وقت به اللي حر ما يقبل مذله = لو هو فقيرٍ رافع الراس بكرامه
اما البعض ممن يدور للفلوس= درب التسلق منهجه ياصل مرامه
يدور على واوٍ توديه الكبار = ياصل لهم بنفاق في ذل وقزامه
يقربونه كاسبٍ كل الثقات = وشوي والا صار في عالي مقامه

[منيع]

صدقت ووضحت وصح لسانك يادكتور
تحياتي لكم

[داعي الشوق]

لاتخاف الجهات المختصه بالمرصاد هههههه

وصح لسانك طائرنا المغرد

[الطائر المهاجر]

شكرا منيع
على كريم المتابعه
لاهنت
تحياتي

[الطامي]

كلام جميل وصائب
صح السانك دكتور
ولاهنت

[الطائر المهاجر]

شكرا داعي
على كريم المتابعه
لاهنت
تحياتي

[بنت النور]

صح لسانك عدد بلامدد
لاهنت
ابيات كتبت بماء الذهب
وبنتظارجديدك في الكلمات
دمت بود

[الطائر المهاجر]

شكرا بنت النور
على كريم المتابعه
لاهنتي
تحياتي

[الطائر المهاجر]

شكرا الطامي
على كريم المتابعه
لاهنت
تحياتي

[الطائر المهاجر]

شكرا لكل من مر هنا
لاهنتوا
اطيب التحيه