وينكم يالفطاحلة

[الطائر المهاجر]

مافيه حربٍ وهذا الجود من هالعود ماجود= ولا به تكلف عسى ناتي بقافٍ دوم ضافي
وما فيه مخطي ولا مصيبٍ مدام الطيب معهود= بين الحبايب بدرب الخير بقلوبٍ نظافي

[داعي الشوق]

صح لسانك يالهواوي

شاعر ما عليك خلاف يا ناصر ،

و صح لسان كل من شارك

طاروقك يا بو عبيد ذكرني بالبيت التالي


( مدري منهو له )

( يا ذيب ياللي تجر عواك ليش عواك يا ذيب =

مدري من الجوع و الا طاري لك علم ثاني )

[ناصر عبيد الهواوي]

يامرحبا يوم مر بملعبتنا طاري سعود===لوجاك يمشي بزينات الحذا تراه حافي
من لابة ٍفعلهم يوم الشدايد ماله حدود===لو وخذت البل ولحِق من العرب رجال كافي

[زهرة اللوتس]

يامرحبا بك بترحيبٍ عليه من الولـي زود
لاجيتنا يالهواوي فانـت بالأفعـال شافـي

ركن الفطاحل وعلمك ماهفى جزلٍ ومحمود
وكلٍ على قد رجلـه لازم يجـر اللحافـي


صحت السنتكم
مبدعين واصلوووو
تحية طيبة

زهرة

[الطامي]

اشوف القاف قام ينوض واشوف انه مقامه كود = ولا ادري ويش ياناصر بقافك كنه متجافي
اعرفك شاعر فلته ولانت من الشعر مضهود = لاكن معادلة الاطراف مطلوب وماهو خافي

[نجم الإبداع]

طب الهواوي وناجى في دياجي الليل موعود=وتالي الليل صحاني وانا كنت احسبه صوت المطافي
لقيت عثمان والطامي مع الحافي هل الجود=وناصر اوفى تراحيبه وشفت القاف بين صروف صافي

[ناصر عبيد الهواوي]

سبحان الله العظيم وبحمده

ياما حلا ياجماعة كلما هبت هواء النود===وازعل الى هبت الغربي بغبرات وسوافي
ولا احد ٍ يبا البندق اللي في نحرها نشب عبرود==ولا احد ٍيحب الثياب اللي يفصلها قضافي
جلادهم صاح يشكي ضيم من مسكين مجلود==انا اشهد إنه خطا يالربع ما يرفاه رافي

[نجم الإبداع]

يازين الانصاف وانا معْك فوق العد ملهود=والحزم ماينزله غير الذي يرضى العسافي
لو كانك احجمت وقت المعمعه ماصابك الكود=لكنك امعنت في ودك وفتحت المرافي
اصبر ومالك من الجلاد والشاهد ومشهود=منكم نبي العلم وان صاب الحروف الارتجافي

[ترانيم المطر]

برسل سلامي وحبل الوفا للوفا ممدود = ماينقطع دام الفطاحل في يدين سنافي
سلامن للجميع ومن سلامي ما يجي منقود = دام المسلم بنت عز وبنت شيخن وافي

[داعي الشوق]

المشاركة الأصلية كتبت بواسطة ناصر عبيد الهواوي

يامرحبا يوم مر بملعبتنا طاري سعود===لوجاك يمشي بزينات الحذا تراه حافي
من لابة ٍفعلهم يوم الشدايد ماله حدود===لو وخذت البل ولحِق من العرب رجال كافي

تسلم تسلم يا بو عبيد

و ما عليك زود يالقرم

شاعر كبير و بـ أحاول معك ،

،،،،،،،،،،،،،

حياك يالشاعر اللي لك مقام بخاطر سعود = يبقى لك البال معمورٍ و دارٍ يالسنافي
حيث الوفا فيك مذكورٍ وفيك الطيب موجود = ترسي كما يرسي البابور في شط المرافي