المساجلة الفكاهيه والتحدي بين الشعراء

[الطائر المهاجر]

جيت منا وش تبي هات البنود = وكلكن قاضي بعد العنات
الشباب العاطل بزوده يزود = وانت منعم مادريت الجاريات
والحلول اللي تخليهم اسود = لو خذوا عجزٍ فلا به لايمات

[نسناس الهوى]

لو تجيب اليوم الفين و قعود = ماتساوي طيف ذيك المعجبات
ولو طروا لك ياعزيزي قد تعود = تاخذ عجيّز او انك بالبنات ؟
رمشها للعين غمّ(ن) له يسود = وزينها طير الحمام الحايمات
والعجوز اليوم في حوش(ن) تقود = دلّة القهوه ولا منها حلات

-----

عاد مهوب مامنها نفعه .. بس ماتنفع للعرس هههههههه ، بالعرس وش تبي بدلتها دام مامنها حلات

[الطائر المهاجر]

المره دون الدارهم ما تفود = فالرجل هالوقت محتاج الفتات
ما اقول اخذ العجوز ابلا نقود= ولا اقول اخذ البنات العاطلات
الحلى والزين حده لو يزود = تذبل الحرمه وتصبح كالدبات
والرجل جيب يطعس في النفود= لو تقلب قام مابه من اذات

[نسناس الهوى]

هههههههههه قل لا اله الا الله لا تنظل الشباب
--------

قبل ماتذبل تراها بالوجود = بنت زينه والحقيقه ما تشات
والمره دون الدراهم قد تفود = لا غدت ريم(ن) تنافس بالحلات
وعقب ماتكبر ترانا كاليهود = نطرق الجفسه وناخذ مايعات
دام صيت الجيب في فوق النفود = مالنا غير الطعوس الباينات

[الطائر المهاجر]

كل طعس لو وقف كنه عمود = سرع ما تذريه بعض الذاريات
والنهاية واحده في هالوجود = ايتساوى العجز هن ويّا البنات
وكل رجل يخدعه زين العنود = تايهٍ ما ظن يرقى الطايلات
المره بالعقل وايفاء العهود = والشراكه عقد حق وواجبات

[نسناس الهوى]

سنّة(ن) لله ياراعي الردود = يفتنك طيف البنات الفاتنات
والحقيقه قلتها ما للعنـود = مالها من زينها شيّ(ن) وفات
لا غدت بنت(ن) تفضّ بهالعقود = بالقصور وما تأدي الواجبات
وبعضهن زين وتواصيف الورود = ماتشوف الشين لأمرك سامعات

[الطائر المهاجر]

هالزمن مكياج يخفي للسدود = لو عجوز تدخل بسلك البنات
يخفي البطناج في بعض الخدود= ولنغسل شفت البلى فوق الشفات

[احمد الخياط]

يبرق البراق وتحن الرعود= والمطر يرجع على الارض الحيات
اغتنم فرصتك من قبل اللحود= وان سريت ركاب عنتر ساريات
كان شفت النقص مايقفاه زود= عن كثير الهرج يكفيك السكات

[الطائر المهاجر]

المعلم وصل فاله في صعود = ما عطانا فرق عجز او بنات
ولا درى إن الشعر نقصه مثل زود= دام حنا فالسوالف والنكات

[الطائر المهاجر]

ست مهراتٍ لقنّي في طريقي للصلاة = ناظرني وقتلني ولا وعيت اللي يصير
احسب اني رحت اصلي واثري بآخر سبات= ماشيٍ اتبع اثرهن جاهل وين المسير