إجابة

[حي الضمير]

قصيده كااااايفه
وابدعت حيل ياجزل
وملياااار صح لسانك يابوبراهيم

[الراقي]

متصفح و معزوفةً جميلة
صح قلبك و لسانك يا جزل
وفقك الله

[صعبة المنال]

صح لسـانك وفكرك
ابيـات في قمة الروعـه والجمـال

يعطيك العافيه

[عمر ال شيبي]

المشاركة الأصلية كتبت بواسطة عبدالعزيز ابراهيم المنصور

بسم الله الرحمن الرحيم

خاطرة على حافة الشعر علها ترتقي لذائقتكم :

قالوا علامك قلت لاتسالوني=مالاسئلتكم , عندي اية إجابه
لكن اصروا !! للجواب اطلبوني=وجاوبتهم على السؤال بذرابه
قلت اسمعوا لما اقول اسمعوني=لعل مافيكم غشيم .. وزلابه
لو بشتكي فاضت دموع العيوني=والجرح بالشكوى يزيد التهابه
ياوجد حالي وجد من بالسجوني=في غبة الديجور محد ٍ درابه
مسجون ظلم وفوق هذا مغبوني=شيب وذابت زهرته في شبابه
تمضي حياته في شقاه محزوني=بزنزانته وحده ومقفول بابه
عانى من الغربه وشاف المهوني=ولحقه من زيادة همومه كآبه
ماني سجين ٍ بين قيد وحصوني=لكن حالي مع حواله تشابه
والا وجود اللي غشته الشجوني=درب الأمل ايس يطارد سرابه
انسان مايبغى الخطا والجنوني=ابعد عن الفوضى واحب الكتابه
بي النوايا صافيه والظنوني=مثلي طريق الشر ماقد مشى به
ولاجهل مثل اللذي يجهلوني=ولابار في حق الاهل و القرابه
ولااغلط على من بالغلط بادروني=لان الردي ماهوب من يقتدى به
قالوا تفلسف قلت ماتفهموني !؟=لاتسالوني دام فيني غرابه !!
قالوا رتابه , قلت فيها سكوني=وكل ٍعلى نهجه يوجه اركابه
لو البشر يدرون وش هي طعوني=او علتي والقلب واللي سطابه
ان كان مايبدو علي يغلطوني=ولاجددوا جرح ٍ عطيب ٍ صوابه
ياليتهم من عذلهم ينصفوني=لكن وحيد ومثلهم مايجابه
وياليت بعض الناس لو يتركوني=من شرحهم في خاطري واقترابه
حتى عن دموعي بدوا يشغلوني=ويش السبب في ذرفته وانسكابه
واقول دمعي يسكبنه عيوني=وش دخلكم فالحال واللي غدابه
ياعاذلين القلب لاتعذلوني=الهم فيني قد تعدى نصابه
همي ثقيل ولاتشيله متوني=ولاحولي اللي محزم ٍ ينتخى به
هالوقت بعض الناس ماينفعوني=وماكل شي ٍ فالحشا ينحكابه
كل ٍ على ليلاه جر اللحوني=وكل ٍعلى همه سرى او سرابه
ناس ٍ ليا من طحت بك يفرحوني=الله يوريهم شدايد عقابه
بديتهم بالطيب لكن غشوني=بجمرالشقا مع كاس مر ٍ شرابه
يوم اعتزلت بْعزلتي ماتركوني=زادوا بهمي لين زبر سحابه
امطر بحزن ٍوابله كالمزوني=وفاضت سدود القلب لاقصى شعابه
ناديتهم بالصوت ماجاوبوني=راحوا وخلوني اعاني .. صبابه !
لكن على الله كل شي ٍ يهوني=وعسى دعايه ينقبل باستجابه
من واحد ٍلاقال شي ٍ يكوني=رب ٍ عظيم الشان كل ٍ يهابه
عساه يرحمني بلطفه يصوني=من شر خلقه والجحيم وعذابه
وصلاة ربي عد مزن ٍ هتوني=على النبي المصطفى و الصحابه

صح لسانك لا هنت ابد
مبدع كما عرفناك

[حنان الكون]

صح لسانك وفكرك

ابدعت وأمتعت

ولاهنت

تحياتي

[عبدالعزيز ابراهيم المنصور]

المشاركة الأصلية كتبت بواسطة الطامي

ع المنصور
صح الاسنك ملايين
رائعة جدا
لاهنت اخي

صح بدنك
سلمت ولاهنت
دمت بخير

[الـزلـزال]

شاعرنا


لعذوبه شعرك عدنا لنستمتع بحروفه

صح لسانك ملايين ملايين

ولك فائق تحياتي وتقديري

[البعادي]

رائعة تستحق الإعجاب
وعذبة تستحق الإشاده
صح لسانك وسلم راسك
دمت كما انت مبدعا
تحيتي واحترامي

[الزكري]

ابداع من شاعر مبدع
صح لسانك وقلبك يالقرم
ولاهان راسك
اطيب تحياتي

[صعبة المنال]

صح لسانك مليوووووون

قصيدة جزلة من شاعر جزل

سلمت ودام حرفك