وعد العبدالله اقلطي

[الطائر المهاجر]

وانشدك عن ثقيل الدم ما منه فايق = كل يوم معك ماقال يومٍ كفافي
فيه مخطي وفيه الصح بين الورايق = والعداله شعارك ماعرفتي طفافي

طفافي : من التطفيف ، والتطفيف عدم العدل في الميزان ومنها ويل للمطففين

[ابو أنس]

جاوبي ياوعد قولي له تجانبت الحقايق=ماحزرت وتهت في وصفه وقولك ذا تجافي
كل دار لها فنار ودارنا مابه بوايق=يافنار الدار حنا لك على المبدا نوافي

[الطائر المهاجر]

هي تعرف اللي قصدته وانت تجهل للدقايق = وكان ماتدري فوقف لين تكشف للخوافي
شغلها معروف واللي تفعله لاجل الوثايق = وخابر ان الحر يفهم بالاشاره في القوافي

[ابو أنس]

ا

اطلب الغفران من ربي اذا تهت الطرايق=والبشر ماهوب معصوم(ن) وان اخطا له روافي
قلت ابمدح شيخنا وان ظن في نفسه عوايق=يوم تهت ارجع وابسمع هرجكم والجو صافي

[الطائر المهاجر]

العجل ماخذ في ابوه وانت للامثال سايق= خابر انك بالحجر تلعب وبالبيضه طرايق
والفكر يسرح بلحظات التعب لو كان فايق = لا عذر بين الحبايب اعرفك سر سنافي

[ابو أنس]

اللقافه طبع والتوجيب في نفسي تسابق=راح ظني واحسب اني فيه فاهم واحترافي
وان قريت القاف خذت بظاهره مانيب اوايق=آبوقف وانتظر ماهو زعل هذا اعترافي

[الطائر المهاجر]

الوعد في الدرس تشقى والأمل تطبخ رقايق = غير الموجه وهات الورد من كل القطافي
ذيبكم يرمي واشوفه مثل خايف بالتهايق = امسكه عني قبل ما اجيه في كل انجرافي

[ابو أنس]

ليت اعرفه كان انا مااخفي ولاادس الوثايق=مير اظنه حط لك في القلب منزل ما يعافي
داعبك بالحيل واثق انك من ابهى الخلايق=قالوا ان احلا النخيل يجاب حتّى بالحذافي

[الطائر المهاجر]

دمر الشمراخ يرمي من حصى ولا فشايق = وخايف النخله تطيح اولا تمايل بانحرافي
ان بغى تمر عطينا لو تمطقها مطايق = المهم الرمي ياقف وينتظر وقت الخرافي

[ابو أنس]

لاتعجّل وانتظر لعل يظهر له علايق=او على الإيميل دزله الرسايل والقوافي
وان عرفته قل لنا منهو تر حنّا شفايق=نشرف بعرفه ونطلب وقفته ونقول كافي