فلاح أقرب تعال

[نجم الإبداع]

صدقت فيما قلت واحسنت الاوصاف = هذا زمان الجور واهل الفضاعه
دوك الفتن متوليه كل الاطراف = والكل يعلن للفساد انصياعه

[سناعيس]

جتنا قنوات تجنن لمن شاف=وتنبيك عن كثر الخنا والمياعه
ستار أكاديمي ومجلات ايلاف=فيها الكثير من الفتن والصياعه

[نجم الإبداع]

هذا انفصام وصابنا مثل الاحقاف= ياويلنا من صمتنا والقطاعه
لاشك هذا اخر زمن مابه اخلاف = فتنه ورى فتنه وفيض البضاعه

[سناعيس]

مادام ربي للمسلمين رواف=وعند البشر دين وعقل وقناعه
ماضرت الفتنه ولاضر الاسفاف=وتزيد عن المؤمنين المناعه

[نجم الإبداع]

الحق ماغطوه ياصاح بالحاف= العولمه عمت وفيها فضاعه
تبدل المفهوم من فكر عراف = قانون بوش اليوم فارد شراعه

[سناعيس]

العولمه جتنا بشيول وجراف=امر من امريكا وعلينا اتباعه
صارت لنا أعياد وحب وتلجراف=هذي حياة المهزله والسكاعه

[نجم الإبداع]

وش حدنا للغرب واحكام الايساف = الا التخلف في مجال الصناعه
تطوروا واعطوا لنا مصنع اعلاف = بترولنا مافادنا واندفاعه

[سناعيس]

النفط نعمه لو نغرفه بمغراف=لولاه والله ان تشوف المجاعه
سلاح الى صارو عدواننا أحلاف=هو الوسيلة للعرب والشفاعه

[نجم الإبداع]

ماظن بالبترول يعتزّ مشراف = ولا بغير الدين عندك مناعه
وش فايدة بترول من غير جزاف= النص جزيه راح كيله صاعه

[سناعيس]

الله يعز الدين ويذل الاطياف=والنفط فرصتنا بيوم ارتفاعه
انشهد انه سيف في يد سياف=يقص راس اللي يطول كراعه