ياهل الفطاحل بلغوها سناعيس

[نجم الإبداع]

سلمت لكن ليل القاف صابه جنون = شرقت وانا مغرب باكتمال النصاب
ماصارت النون قاف ولا يجي القاف نون= واصل وانا باتبعك لو ظن رمي القصاب

[سناعيس]

المعذره أخوي فلاح
يا أما أنا غلطان وهذا الأكيد والا أنت الغلطان وهذا احتمال
لكن عادة الموال حر والالتزام في الطاروق فقط
ولو سلمنا بهذا ماقدرت أحدد التفعيله ولا الوزن لأبياتك ويمكن للهجه دور كبير
وترى الردى مني يالغالي

تحياتي

[نجم الإبداع]

عداك العيب
ولو ياخوي سناعيس
ترى كلنا نتعلم من بعض
والله لو بس دعواتك بظهر الغيب تكفي
طال عمرك

اخوي الغالي

دام انك بداءت بهذا الاستفهام الراقي
فلا ارى لي بد من التوضيح للاستفاده
اشكر لك سرعة البديهه وطيب التعامل

فعلا هناك اختلال بالوزن
وقد جمعت بدعي وردك ولا اعتقد ان للهجه دخل بالموضوع

البدع
فلاح
ياصاحبي لاتواخذني بسحـر العيـون=استغفر الله من طرفٍ رماني وصـاب
في الطواري وحولي ناس يتضاحكون=اثري تصلبت واثر اني نسيت المصاب


الرد
سناعيس
ياجعل من لامك يربـط بـه جنـون=ويقرص من العقرب ومن لسعة الداب
ويجي الطواري ميت وكلـه طعـون=والا يجرب ماجرى لك من اسبـاب



كما تلاحظ

وانا سابقى معك هنا

ومنتظر بدعك في هذه الملحمه
المعطره بنسيم الشمال وخضرة الجنوب
في احضان عبق الخزامى

احترامي وتقديري

[الطائر المهاجر]

كل يصلح سيارته ...

[سناعيس]

أشكرك أخي فلاح على ردك وتفاعلك
وترى البساط أحمدي زي مايقولون وكلنا والله أخوان
وأنا اليله لدي مشكله في جهازي وبكرا تصلح ان شاءالله
والآن أنا داخل للمنتدى من مقهى
ماقدرت أستغني عن أحبابي الفطاحله
وترى العين ماتعلى على الحاجب وأنا أخوك ( البدع عندك ) <<<<<<<< حالف

خاص
بالمرور قصدي بأبو عبدالله
ماحنا متصالحين لين تكفل بسياراتنا وتصلحهم على حسابك
لأنك أنت المسئول عنا طالما حنا في الفطاحله
ويوم الله جابك ومريت على متصفحنا نقولك الله يحييك من ممشاك لملفاك

تحياتي

[نجم الإبداع]

سنايدي ياسناعيس
لاهنت

ياسناعيس ودي لك وجل احترام = اسعف العود غرز حول حوطة سدير
صابه العشق للسمراء وجاه الغرام= عود عاصي وفي بعض المواقف خطير

[سناعيس]

ولاتهون أخوي فلاح

ياهلا بك مرحبا يافلاح ابن الكرام=عاشق يمشي على طعس ورمله غزير
من يصيبه سهم سمرا ياسفابه ياحرام=العيون مفتحه ولامشى كنه ضرير

[نجم الإبداع]

ياسناعيس انت غالي ومثلك مايضام = قلبك الطيب وفكرك تعلى يامير
شفت زولك يرتوي بين نيران وضرام =قلت بافزع مير شفتك كما الشاعر جرير