الــعــيــون الــعــســجــد يـــه - الصفحة 5

عبدالإله · 27-08-2009, 03:57 AM

صح لسانك وبيض الله وجهك

قمة الجمال و المعنى

@@@@@@@@@

الخنساء · 27-08-2009, 05:14 AM

اقتباس:

المشاركة الأصلية كتبت بواسطة الملتاعه

الــعــيــون الــعــســجــد يـــه

أن تركت القلب والا ا ستمر ودك معايه = استوت في الحد واحد من جروحك مرتويه
أنت طالب للنقاط حروف تظهر لك خطايه = وقبلها بساعات حالف ما تزيد الجرح فيه
هي حرب اعصاب والا بالأسى خطة نهايه = ودك اعلنها وتخلص من ذنوبي والخطيه
بك تناقض مو طبيعي يؤخذ بغيبة قفايه = حائره بالامر مدري ويش من حل وسويه
كان أنا عثره بطريقك روح لاتمشي ورايه = وكانني لقمه مريره دور اللقمه الهنيه
يا ذهاب الذاهب اللي قد غدابي في عنايه = حافرٍ قبري بدينه ونا في صبري غنيه
ناسي الوقفه الوفيه من طلب ودي حمايه = كان متحطم وتايه في دروب المهمهيه
انتشلته من ضياع بصدقي واخلاصي وفايه= حتى صار انسان ثاني والسبب روحي السخيه
ثم هلّ دموع عينه وقال ياغاية منايه = لولا ربي ثم وجودك رحت فالعتمه ضحيه
لي غرف من بحر وده الا يرويبي ظمايه = وكان اخر كلمةٍ قبل الرحيل يموت فيه
كان فيني الخوف يكبر من حديثه في بقايه = وكان انا لابد اعرف في ضميره ويش ليه
ليتني ظليت عميا مستمره في عمايه = وليتني ما قمت في دور اعترافاتي ذكيه
انصدمت وهلت العبره وفاوضته كفايه = أغفر الزلات واللي يخون ماله مغفريه
ثرت لانثى كبريائي في تعارضها لشقايه = ترفض العله تمكّن من خوافيها القصيه
قام يرسل لي مراسيله ويتوسل رضايه = بين شاري وبين بايع كنه المسقي سقيه
دمعته والحشرجه بالصوت هي سبة بلايه = حن قلبي واحتظنته وسلم الخاطر بنيه
واستقر الحال فينا والقصص احلا حكايه = كن هدوءه ماتوافق شن غاراته قويه
وطالت الغيبه ولا عذرٍ ولا عني درايه = جاله عتابي موده وجتني سيوله رديه
صار يهذي بالعباره القاسيه مردد عزايه = بينما غبت بذهول الصمت مطعونة سريه
ما ترك لي متكأ بالجنب يذكر له عطايه = ولا ذكر من نفس مر الكأس يشرب غثربيه
ومن صدر مني القرار احط فواصل للروايه = جاء يقول احتاج لك يام العيون العسجديه
وحن قلبي وانخضع له واجتهد ثقله قسايه = ومن تطمن من رجوعي حارب الروح النقيه
يترصد لي الخطيه وين ما روّح مدايه = ولا لمح جملة حروفي قال لي مقصدك فيه
وقمت اكرر له حلوفي وصادق الحب ولايه = الا انه قد جرحني وبعثر جروحي النديه
محتملت اصبر وصبري فاض في كلمة جفايه= إي نفسٍ هي تحمل جزء ماهو صار بيه
انعمت فيني البصيره وثرت له في معتدايه= وصرت مثله في هجومي بالتشابه هنجميه
الله يا علمٍ نصاني ذوب الكبد وحشايه = وما حصل شيئا طبيعي لردة فعول الاسيه
لكن اعلنها صراحه اسدل الحظ النهايه = ولا دروبي تلتقي بدروب معسول الشفيه

شعـر/ الملتاعة

13/8/1430ه

صح لسانك مليون ولايكفون
قصيدة جزلة من شاعرة متمكنه
لاهنتى ودام حرفك