مساجلة الفطاحلة

[سناعيس]

خته لدار مابها شوف حاسد=يازينها والله ياخوي خته

[نجم الإبداع]

خده ينور لي في الليل خده = ليته قريب وناصل الضبي ليته

[سناعيس]

خله يزيدك شوق لاصرت عاشق=واكتب من الاشعار ياكود ترتاح

[نجم الإبداع]

حق خوخ الخواجه مانبي نشتريه=نبغي الطازه الي من ديار الحجاز

[سناعيس]

حزنه يحزني ولو صرت رايق=ولامن تبسم لي نسيت الهمومي

[نجم الإبداع]

حق يوم اني ازورك واسلم عليك=اني القاك متبسم ترد السلام

[سناعيس]

احكم علي بما يريح ضميرك=وانا بحكمك قابل(ن) والله يعين

[نجم الإبداع]

كون الوفاء والود شي من طبوعك =ماعندي الا اقول مسيك بالخير

[سناعيس]

كرمك يجبرني امسيك بالخير = وبعد المسا الله يسعد صباحك

[نجم الإبداع]

وكرك ضوى بالطيب ياطير شيهان=ماهو كما وكر الهريش المهاجر