ابيات اعجبتني من الفطاحلة ...

[الأموره]

ألا يا العارضي مهلك تراك بعصبـة كالأُمـه
حواها شاعرين افحول ابو عيسى وبيطـاره
وطائرنا بلا مدحٍ ترى في الشعر هـو اُمـه
وانا بعمرك واصغر منك اقود الشعر بي طاره

ابيات جدا اعجبتني ،،

لماجد المهدي ،،

[الأموره]

ليت الكرامه فالبشر "فيس" تو"فيس"
حتى يشوف الخبل مااخفت هدومه
مير البلا لاشاف تيس(ن) ولد تيس >> هذا عجيب هههههههه
ياشفّ بالي كيف تصبـح علومـه


نبراس العز ،،

[الأموره]

بانت علومك وبان انـك مناشبهـا
خلك على قهوتك قبـل العزوبيـة
ترى العجيّز تغـازل دوم شايبهـا
وانت ترى بالعمر قاربـت للميـه


ابومياس ،،

[الأموره]

يا شعوبٍ تفاخـر بالأصـل والجـذور = كيف كنتوا وصرتوا هالزمن كالرقيـق
ينزف الدم منكم من جميـع الكسـور = ولا تزالون نومى في سبـات عميـق
بين زيف التأمـرك والتراجـع دهـور = انتهيتـوا لـدربٍ كـل مالـه يضيـق



المهاجر ،،

[الأموره]

جـاب الله المكيـاج والشـد نعمـه
للي تبي ترجع ورا عشـرة اعـوام
الـورد لامنّـه ذيـل صـار نقمـه
ومن يحسبه طازجٍ ترى ضاع باوهام
والزين من رب السمـوات قسمـه
لكن ترى ماهو مقـاس ولا وسـام
كم حرمةٍ تمشـي بعقـلٍ وحشمـه
وقناعة بالنفـس فـي كـل اقـدام
غطت على اللي زينهـا دون لزمـه
وش لازمه زين على بعض الانعـام



المهاجر ،،

راحــت عــلـينا أيــــــام وأيـــــــام في الـغـيــب=في كـــل يــوم إلــنــا مــســـرّات وأحـــــــــزان

الــفـرح كــان وصـــــار وبيـصـيــر في الـجـيـب=لــو خـــان ربــعــك جــيـبــك الــحــر مـا خــــان

نزف القصيد

[الطائر المهاجر]

المشاركة الأصلية كتبت بواسطة الامورة

جـاب الله المكيـاج والشـد نعمـه
للي تبي ترجع ورا عشـرة اعـوام
الـورد لامنّـه ذيـل صـار نقمـه
ومن يحسبه طازجٍ ترى ضاع باوهام
والزين من رب السمـوات قسمـه
لكن ترى ماهو مقـاس ولا وسـام
كم حرمةٍ تمشـي بعقـلٍ وحشمـه
وقناعة بالنفـس فـي كـل اقـدام
غطت على اللي زينهـا دون لزمـه
وش لازمه زين على بعض الانعـام



المهاجر ،،

هذي ماهي للمهاجر !!!!!

[الأموره]

http://www.fatahilah.com/showthread.php?t=922

على حسب ما يوجد هنا فهي لك ،،

[الطائر المهاجر]

والله نسيت .... ففي كثير من الأحيان ارد بأبيات شعرية وانسى اني قلتها
حتى فيما بعد اشك اني قلتها ...الكبر شين !!!
عموما رايح اكملها حتى تصير قصيدة وتضاف للكوميدي
شكرا لك
تحياتي

[الأموره]

المشاركة الأصلية كتبت بواسطة الطائر المهاجر

والله نسيت .... ففي كثير من الأحيان ارد بأبيات شعرية وانسى اني قلتها
حتى فيما بعد اشك اني قلتها ...الكبر شين !!!
عموما رايح اكملها حتى تصير قصيدة وتضاف للكوميدي
شكرا لك
تحياتي

ربــــي يسعــدك ،،

يا حليلك يالعم تنسى ابياتك !!!

هالمره قلت انها لك المره الجايه بقول انها لي ههههههه


بالانتظار ،،،