روحين داخل جوف

[كظيم]

الله الله الله
ياصباح الخير وياصباح الشعر

محمد بن عمار
الله عليك يابعـدي
قصيده في قمة الجمال والبذاخـه
ابدعت واجدت في سبكها وحبكهـا
معنى ومضمون ولا اجمـل
صح لسانك وفكرك وكلك
تقبلني وتقبل مروري المتواضع لاهنت
ودي وتقديري

[ابداع]

شكراً
استمتعت بهذه الدره
لاهنت
تحياتي

[التريكي]

صح لسانك وقلبك
مبدع بكل حالاتك
لاهنت
مع اطيب التحيه

[حوريه]

فرقـا الشّمـل ماسنّـه الديـن الحنـيـف

ولاهوب مـن طبـع العـرب وأخلاقهـا

صح لسانك لاهنت ولاهان مغليك

[داعي الشوق]

صح لسانك يا مبدع

ابداع يستحق المرور اكثر من مره

لاهنت يالشاعر

مع التقدير لك

[محمد عبدالله البدراني]

المشاركة الأصلية كتبت بواسطة محمد بن عمار

السلاااام عليكم ،،،

وش مكسب الليّ حال بيني والوليف = راعي الضغاين نافخ ٍ أبواقها

،
،
،

ناس ٍ تعاديني على شي ٍ طفيف = مـااحد ٍ سلم مـن نارهم وإحراقها

،
،
،
وتتوالى الأحداث :-

،
،
،

أهل النمايم مالهم قصد ٍ عفيف = دايم عروض الناس ، بين أشداقها

ولنا موعد مع ذوائقكم الفارهه .

ومشاركة :-


روحين داخل جوف

يالله طلبتك يالولي وأنت اللطيف = يارافع ٍ سبع ٍ بعالي أطباقها
ترحم عليل ٍ شايل ٍ حزن ٍ كليف = مرالمصايب ، في حياته ذاقها
جرّيت ونّه هزّت ديارالقطيف = وهزّت أراضي الشام وأرض عراقها
منها خفوقي بالحشا يرجف رجيف = ونار ٍ بصدري ضامري ماطاقها
أونّ من جرح ٍ بقلبي له نزيف = والدمع ، وسط العين زاد إغراقها
أهل النمايم مالهم قصد ٍ عفيف = دايم عروض الناس بين أشداقها
تضحك وبين أنيابها موت ٍ مخيف = مثل الحيايا ، السّم في ترياقها
ناس ٍ تعاديني على شي ٍطفيف = مـااحد ٍ سلم مـن نارهم وإحراقها
فرقا الشّمل ماسنّه الدين الحنيف = ولاهوب من طبع العرب وأخلاقها
وش مكسب الليّ حال بيني والوليف = راعي الضغاين نافخ ٍأبواقها
خشف المها بالزين مامعها وصيف = ما بالعذاراء أحد ٍجماله فاقها
العين خرسا والخصر مبري نحيف = والنور بالوجنات زاد إشراقها
والشعر منثور ٍ كما، فلوة شريف = يسبح على الأمتان واصل ساقها
فلوة فلاة ٍ ! توّها ، غر ٍ، عسيف = معفاة ٍ الخدمة ، وكثر، إرهاقها
دقّت بقلبي خنجر ٍ حدّه رهيف = قطعّ سراجيفي من أقصى أعماقها
حبّي لها مبني على ساس ٍ نظيف = على عهود ٍ ، مبرم ٍ ، ميثاقها
ياعاذلي في حبها عقلك خفيف = روحين داخل جوف صعب فراقها

مودتي لتواصلكم


محمد بن عمار

الله الله يابن عمار


ابداااع مألوف


صح السانك وعلا شانك


ولاعدمناك يامبدع


تحيتي وتقديري

[الجوفي]

ابيات جميله في قصيدة رائعه
صح لسانك
ولا هان راسك
تقبل اجمل تحياتي

[حوريه]

ياعاذلـي فــي حبـهـا عقـلـك خفـيـف
روحيـن داخـل جـوف صعـب فراقهـا

روعه صح لسانك

[بنت النور]

جزله من راس جزل
صح لسانك واعتلى شأنك
ولاهنت
تحيتي واحترامي

[الدباس]

صح لسانك الف
ولا هان راسك
تقبل اجمل التحيه