بعد الغياب

[الطامي]

على اهل المنتدى نشتاق دايم والهوى غلاب
ولكن الذي عايش بمنفـى ماضـوى ضيـه
تمر الجفوه الي وقعها فوق القلوب هضـاب
وفي بعض الامور اسرار بعض الوان بنيـه
رجعنا عقب غيبه نعتذر عن مزح وقته طاب
وخلف بالحشى طعنات منهـا فـي ماريـه
،،،،،،،،،،،،،،،،،،،،،،،
ارحب فلاح
صح الاسنك ملايين
رائعة جدا
لاهنت اخي

[عمر ال شيبي]

المشاركة الأصلية كتبت بواسطة نجم الإبداع

على جال الغياب ولوعة المشتاق للاحباب=سلام الله عليكم والمشاعر نارها حيه
من النبع المصّفى يسري الطاروق للالباب=ومن غاص البحور الهوج ماغرته ماريه
تعالي ياحروفي والقصيد وعالجي الاسباب=وحطي فوق حرف المخطيه جنحه مداريه
نجيها من عتب والا نصب والا جراح انجاب=ونبحر في البحور ولا كلانا الحوت والحيه
رسمنا من حروف القافيه لاهل العقول ارياب=ولاهل الحب صغنا عقد مابه بالغزل زيه
تعالت في زمان العولمه وضحى وغاب ذياب=وفي راس المقوقس قام خيل الفين جنيه
على اهل المنتدى نشتاق دايم والهوى غلاب=ولكن الذي عايش بمنفى ماضوى ضيه
تمر الجفوه الي وقعها فوق القلوب هضاب=وفي بعض الامور اسرار بعض الوان بنيه
رجعنا عقب غيبه نعتذر عن مزح وقته طاب=وخلف بالحشى طعنات منها في ماريه
تضيق ءبي الوسيعه لاتنكر صاحبي وارتاب=ولبسّني لباس الغي لو من صافي النيه
انا من عادتي ماشيل حقد ولا علي ارياب=ولكن الذي يسمع كلام الزور وش طيه
تسابقنا على مضمار لين انصك فينا الباب=واثار اهل الردى بقلوبهم حاجات مطويه
يبان الحق مهما طال وقت الظلم للطلاب=ومن يبغي حقوقه تاصله لو طالت العيه
انا لو قلت عادي يافهد عادي بدون عتاب=ولكن المواقف صعب تتركها مع الديه
طلبت وماطلبت الا الجمائل بيننا وانساب=كرامه دام كل الي جرى بافكار ضنيه
لفينا في رضى منصور والدكتور معه حساب=ومن لاتلذعه شمس الظهيره مابغى الفيه

الحمد لله على العوده

والقلوب احباب

ونحمد الله على الطيب من الجميع في الرده

وصح لسانك لا هنت ابد