البنت تحلق شاربك

[النداويه]

هج ـــــائيه,,

ان قاله الله لآجعله يحفظ لسانه في جماه=أو والله اني لآنتفه نتف الحمامه و القطى
ياللي تقول البنت ماتقدر على قاف تحماه=تخسى ويخسى شاربك يالي مكانك فالوطى
البنت تحلق شاربك وتوكلك رمث وحصاه=اص اص ولآكلمه يامعدوم المزايا والعطى
أقرب شبيه لك اذا باشبهك بالسلحفاه=والا شبيه القنفذ الي لانصيته أرقطى
كلمتك محسوبه ولآلك يالغبي وجهه وجاه=خذها نصيحه للزمن وجهك تٍسَتره بغطى
جالك كلامي ياولد واحذر ترا عندي سواه=لآبد تتحمل وتصبر يالثعيل الآمرطى
هذي نصيحه عابره والوقت دايرةٍ رحاه=لو كان من طبعي أحًقْر الي يقابلني بخطى

[صنداح الزلامى]

اص اص ولآكلمه يامعدوم المزايا والعطـى



هههه

الله الله منو هذا اللي ضحيتي به يالنداويه
يادافع البلا انتي ايش فيك على الشنب
ع العموم صح لسانك قصيدة تشرح موقف على مايبدولي

[النداويه]

حياك ي صنداح


اكيد القصيده ناتجه عن موقف في الي يستاهلها



صح ابدانك

[حوريه]

هجائيه قووووووووويه الله يستر
صح قلبك النداويه
وداااام نبضك
0
0

[طوفـــان]

شبي عليه وانا أناللي أورد لك القاز ...

كفو ، والله كفووو

أكيد ماطلع هالكلام إلا إن السالفة فيها علمٍ ماهو طيب


طرح قوي وسهم من نار في وجه المقصود فيها ...


بارك الله فيك يالنداويه وفي طرحك الناري ..

[منيع]

ابيات رائعة
ويستاهل المعني ماجاه
تحياتي لكم

[الطائر المهاجر]

انتي تبين العلم اللي يجمد على الشارب
الشاعرات المعروف انهن شاعرات قليلات
والأغلبيه يكتب لهن ، ولا تتضح الشاعره
من المستشعره إلا في الرديه والمحاوره
الآنيه ، يعني حاضر بحاضر
وانتي بشهادة من تحاور معك من الشاعرات القليلات
وبشهادة ما تنشرينه من قصايد ما عليك خلاف
وبالتالي التعميم مرفوض
صح لسانك
تحياتي

[كظيم]

النداويـــه
صح لسانك
انا اشهد انهـا قصيده قويـــه ومعبره
ابدعتي فيهــا لله درك
تقبليني وتقبلي مروري المتواصع لاهنتي
ودي وتقديري

[الطامي]

النداويه
صح السانش ملايين
الله يخارجنا من حربكم ياشاعرات
هههههههه
شكرا لكي

[عمر ال شيبي]

من جاب نفسه للردى لايلومها

صح لسانك اختي
مؤثره وقويه
وجزله بكل ما فيها من قاف ومعنى