يآبروووودك !!

عبدالله راشد الثويني · 16-10-2011, 06:40 AM

السلام عليكم والرحمه

عذرا ً على الإنقطاع

ويشهد الله بأنكم حاضرون بقلبي رغم قلـّـه تواجدي فيما مضى

متواضعه أضعها للتواصل لعلها تنال القليل من إعجابكم

البَروُد اللي تغلغل في حَشاك .. آرجوُك قلـّـي = هو مَرض ؟ ولا ورثته قبل توُلد من جدودك !
كل ماجيت آتغزّل في حلاك ... إزداد غلـّـي = إنجرحت وزاد هَمّي من كلامك /... من ردودك
قلت : [ آحبّك ] .. وإنت بين الناس مطلوبي وخلّي= وإستفز الصمت قلب اللي يودّك ..[ يآبرووودك ]
وإن وَعدتك قبل تآتي قمت بطيوفك .. آهلّي=طامع(ن) بـك / وإنت مافكـّـرت تآتي في وعودك
إيه يَاللّي ماعرفت الحـُـب .. لوُنك في مَحلـّـي=تكتوي والشوُق يالمحَبوُب .. لـدروبي يقودك
غير من حّبّك .. توُكـّـل / شوُف لك شي(ن) يسلّي=عاشقك ماعاد مِثل آوّل .. يآثر به صدودك
مات حِبك مايفيدك قول [ ياليت /.. ولعلـّـي ]= في بساتين المحبّه للآسـف .. ذَبلت ورودك

سمّار · 16-10-2011, 06:44 AM

صح لسانك يابن ثويني
قصيدة رائعه وكلمات بديعه امتعتنا شعرا مع هذا الصباح الجميل
لاهنت ولاهان منطوقك
تقبل مروري وتقديري

الطائر المهاجر · 16-10-2011, 08:02 AM

صح لسانك واعتلى شأنك
رائعة من شاعر رائع
ومتجدد الإبداع
دام ابداعك
تحيتي ومودتي

داعي الشوق · 16-10-2011, 08:40 AM

صح لسااااااانك مليووووون يا بو راشد

شاعر جزل و معروف بالجزالة

و الحمدلله على السلامه

و لاهنت

الراقي · 16-10-2011, 08:48 AM

صح فكرك

صح بيانك

ودام حرفك ..

و صح لسانك

الطامي · 16-10-2011, 09:53 AM

إيه يَاللّي ماعرفت الحُـب .. لوُنـك فـي مَحلّـي
تكتوي والشوُق يالمحَبـوُب .. لدروبـي يقـودك
غير من حّبّك .. توُكّل / شوُف لك شي(ن) يسلّـي
عاشقك ماعاد مِثـل آوّل .. يآثـر بـه صـدودك
مات حِبك مايفيـدك قـول [ ياليـت /.. ولعلّـي ]
في بساتيـن المحبّـه للآسـف .. ذَبلـت ورودك
،،،،،،،،،،،،،،،،،،،،
الثويني
صح السانك ملايين
رائعة من شاعر رائع
لاهنت اخي