أزمة سكن يالشيخ

[ماجد الزيد]

ازمة سكن والشيخ ضايق وزعلان*=ليش الأراضي زايده للبشر حيل
بيته على خمسة شوارع وبحلان=مايكفي ان حوشه تطارد به الخيل*
ودي لو اسكن في مقورن ورى العان =بس الشبوك ابعد من طريف كم ميل
استح شوي من المواطن علشان=يصبر على ظيمه ولا يهدر السيل
لو نحتري منْك السكن راحت ازمان=يمقن لنا يبني ويمقن تساهيل
حنّا من الله ثم ملكنا كحيلان *=ولا انت ما تعزم بخيل وتهاويل*
ملّ المواطن منّكم انس مع جان=يامحرفين اوضاعنا بالمداهيل
وش رايك نولّي او نطير لبنان=ولا للاردن او نطس البرازيل ؟
عسى يجينا منحة اسكان واحسان=غسان حظّه من ردى حظ عرويل*
الحمدلله عندنا ارض دكّان =تكفي بها لا متّ القى منيزيل*
مابه اراضي ليه ! لو في بكستان !؟ =حنا ثمان بيوت والبر ما طيل*

ماجد الزيد

[روح الشعر]

صح لسانك ماجد الزيد وجاد بيانك

والله يعين على الحال

[حي الضمير]

لله درك يابوحمد شاعر كبير ومتمكن
وقصيده في الصميم
وابدعت وعواااايدك يانجم