ابتدت لعبة الشطرّنج وين الفطين

[الطائر المهاجر]

ابتدت لعبة الشطرّنج وين الفطين = ينتبه للمعلم خطوته طايله
لو تحرّك شمالٍ فناويٍ لليميـن = ولو يهدد بليله ناوي القايله
وان تحرّك بفيله يرعب الحاضرين= جامحٍ بالحصان لقلعه امذايله
كل هالارض صارت ملعبه يامعين = مستمرٍ بجرمه والحقد شايله
كل أرضٍ خذاها تشتكي في أنين= ما لقت لو حروفٍ في الملا صايله
والمشجع يشجّع والبعض خادرين = والبقية جموعٍ حولها ضايله
احد خايف ودايم في كلامه رزين= واحد مصدوم منها صدمةٍ هايله
واحد فرصته يشمت يكسب الغالبين= واحد دايم ينافق ما اكثر محايله
واحد مسبط بحقدٍ خايفٍ لا يبين = والبعض وسط قلبه طعنة جايله
يازمان التخاذل بين طين وعجين = في اذان تصيقه ماتب مسايله
ياجموع التمسح بالزمان المهين = كلكم في المصالح تلتقوا عايله
كيف تهنا بوقتٍ والغجر عابثين = ما حسبنا حساب لخنقةٍ غايله
كل واحد يظن العز يبقى سنين= ما درى إنّه بيومٍ نعمته زايله
يالله اني دخيلك ناصر البائسين = تنصر الدين تنقذ امةٍ مايله

[العيناء العامريه]

صح لسانك

اسعدتني و اعجبت بها

اسعدتني لاني احب الشطرنج ...
واعجبت بها لذكاء فكرتها و جمال سكبها ....

تقبل احترامي و تحياتي

الدكتور عثمان

صح لسانك وفكرك

حبك ذكي متمكن بفكر متميز

رعاك الله شاعر العثمانيات شامخا كفكرك

رائعا كبنانك ورقي بوحك وعذوبته مودتي

[الطائر المهاجر]

شكرا العيناء
على كريم المتابعه
لاهنتي
تحياتي

[منيع]

جزل ومبدع ومتمكن يادكتور
شكرا لك
تحياتي

[داعي الشوق]

يالله اني دخيلك ناصر البائسين
... تنصر الدين تنقذ امةٍ مايله


امين وصح لسانك ابو عبدالله

[الطامي]

الله المستعان يابو عبدالله
لابد من مسايرة الزمان بما فيه
صح السانك
ولاهنت

[الطائر المهاجر]

شكرا اخي احمد
على كريم المتابعه
لاهنت
تحياتي

[الطائر المهاجر]

شكرا اخي منيع
على كريم المتابعه
لاهنت
تحياتي

[صنداح الزلامى]

صح لساااااااااااااااااااااااااااا انك دكتور شعر وعلم