غاوي الكيف في الظلمه تسير(بالصوت)

[الطائر المهاجر]

قصة واقعيه حينما قابلت احد رفاق الطفوله في مستشفى شهار حيث كنت اعمل
في حدود 1403هـ

غاوي الكيف في الظلمه تسـير= وين وداك كيفك من مدار
تحسب الدرب في الأول قصـير= وانتهى بك نزيلٍ في شهـار
أعرفك وأذكرك يومك صغيــر= يوم أنا وانت ورعان صغــار
وش حصل قل لي يالعقل الكبـير= كيف دحدرت هذا الإنحـدار
قال اعرفك ونا ادري من تصير= واعرف اسمك وربعك والجـوار
لا تنبّش ترى جرحي كبيـر= خلني عنك ، مكتوب وصـار
قلت آسف ترى ما بي أثيــر= جــرح غاير ولا ودي يثـار
عطني العلم سرك وسط بيـر= يمكن اقدر اساعد بالمسار
قال هاك الخبر موجز قصــير= جلسة الكيف لعبت باقتـدار
يرتخي الجسم وأحسبني أطيـر= وارتفع موج مدٍّ وانحسار
وبعد مده بدا شيٍ خطيـر= انعمس دون مدري في انهيار
من ثيابي اضيق ولا أسيــر= غيرعاري ولا دري بالجــوار
وهذي الخاتمه فـوق السـريـر= يربطوني على غير اختيار
قلت دكتور وش وضع الأسير= قال عقله مع الإدمان طار
لا علاجٍ نفع واحسن خبير= قال ميؤس منّه مهما صار

[صنداح الزلامى]

صح لسانك جزاك الله خير


موعظه وفيادة

[خالد العمري]

الأخ الفاضل

عثمان العبدالله
( الطائر المهاجر )


صح لسانك مليار ولاتكفي

هكذا يوظف الشعر في أمور حياتنا ومجتمعنا لعلنا نستفيد منه
ومن أحداثه العائمة بيننا

تقبل مروري وإحترامي لسموك الكريم

[الطائر المهاجر]

شكرا صنداح
على كريم المرور
لاهنت تحياتي

[منيع]

الادمان رأس كل المصايب
والانحدار للاسوء
ابيات رائعة ومعبرة
شـكــ وبارك الله فيك ـــرا لك ... لك مني أجمل تحية .

[داعي الشوق]

الحمدلله على الصحة والعافية

ياما شباب راحوا وضاعت حياتهم بسبب اصحاب السوء
كفانا الله شرهم
وصح لسانك ابو عبدالله

تصوير حي وهادف

[الطامي]

صح السانك دكتور
قلت فأصبت الله يحفظ المسلمين من هذا الوباء
لاهنت

[الطائر المهاجر]

شكرا منيع
على كريم المتابعه
لاهنت
اطيب التحيه

[الراقي]

كتبت وتألقت
سلم لنا بوحك ودام نبضكـ الرائع
صح السانك

[الطائر المهاجر]

شكرا داعي
على كريم المتابعه
لاهنت
تحياتي