رســـــالة الى معــــــذبة

[احمد الجريفاني]

قلبي تألم حيل ساعة بكيتي=على غرامٍ حطمته المقادير
الدمع خانك غصب لو ما بغيتي=صريح يشرح كل ما صار ويصير
يبيح باسرارك ولو ما حكيتي=ويكسٍر قلوب المجاريح تكسير
عرفت منه همومك اللي كميتي=الحب لازم له على الوجه تأثير
ليتك عرفتي زين يومك هويتي=ان الهوى فيه المسرّه وتكدير
يومٍ يبيعك خلّك اللي شريتي=لا ملْ منٍك قال : حبيتي الغير
يبيك ترضين الذي ما جنيتي=ما عاد في قلبه للاحباب تقدير
ويومٍ تحقق لك حلوم رجيتي=الصبر زين ومن صبر يجني الخير
لا تحسبينك بالحياة انتهيتي=يا ما حصل با الحب غدرٍ وتزوير
ما كل من غنىً يجيد الخبيتي =ولا كل من داج السما ينحسب طير

[عاشقة السحاب]

يـــومٍ يبـيـعـك خـلّــك الــلــي شـريـتــي

لا مــلْ مـنٍـك قـــال : حبـيـتـي الـغـيـر

يـبـيـك تـرضـيـن الـــذي مـــا جـنـيـتـي

مـا عـاد فــي قلـبـه للاحـبـاب تقـديـر

صح لسانك

[داعي الشوق]

صح لسانك و طاب حالك و فالك ..

لك حكايه طويله مع الابداع يا بو فراس ..

شاعر كبير و اعلامي معروف

دمت بخير و دام تواصلك و حضورك

و لاهنت

[الطامي]

الجريفاني
صح السانك
رائعة جدا
لاهنت

[منيع]

كل الروعة والابداع
تحياتي لكم

[حي الضمير]

صح لسانك مدد شاعرنا
قصيده رائعه
وابدعت يامميز

[الراقي]

صح الســـانك وعلاا شانك

ابدعت في معانيك

متعه وحضورا دائم ان شاء الله وصح السانك

تقبل كل التقدير

[بنت النور]

صح لسانك و فكرك يالجزل

طيبه وجزله بريحة الدخون

مع تحياتي الطيبة لك

[الطائر المهاجر]

صح لسانك ولا هان راسك
مدد بلا عدد
دمت كماانت مبدعا
تحيتي الطيبة

[الـزلـزال]

أحمد الجريفاني

نص قمة الجمال والروعة
من شاعر متميز ورائع في كل مايقدمه لنا
أبدعت وأمتعت شاعرنا الراقي المميز
دمت بخير وسلام ودام لنا حرفك الراقي
صح لسانك ملايين ملايين
ولك فائق تحياتي وتقديري