ياغلطة التاريخ ياكذّابه !؟. (من جديدي)

[عبدالكريم العياش]

الضحكه بعين الصدف نصّابه

-------------- تكسر مرايا روحها المسلوبه

تفتح متاهات الغلا لعّابه
------------------باللعبه اللي قبلها ملعوبه

ياشين بعض ظروفنا الغلاّبه
---------------- لانامت ايتام الزمن مغلوبه

يالصدفه اللي بحزنها جذّابه
--------------خضوعها سجدة سهو مكتوبه

لو ترفع بوجه العنى السبّابه
----------- بلمح البصر من عرقها مشذوبه

ايه اعزفي حزن الوجع ربّابه
---------------على شموخ الجثه المصلوبه

مادامت ديود الابل حلاّبه
---------------عيشي معي في لذة الاكذوبه

ودام السماء تفتح لك البوّابه
-------------روحي لها عن ارضنا المقلوبه

وخلّي لنا نار القهر شبّابه
-------------بصدر الزمن تحرق بقايا ثوبه

ياغلطة التاريخ ياكذّابه
-------------- -هِدّي الاماني لاتخلّي طوبه

وقولي بصحراء البيد للحطّّابه
--------------- حلم الطفوله اعلنوها توبه

غلطة زمن عدّت على الكتّابه
---------------- وجتنا بأبهى حلّةٍَ مجلوبه

وأسقت سموم الزيف للشرّابه
------------- وسكروا وغنّوا طيّبه حبّوبه

طمّن ظلام الظلم والنّهابه
-------------- الذاكره في عصرنا مثقوبه

تشهد كفوف الدعوه الّلهابه
-------------على لسان عيوننا المعصوبه

يارب هذي روحي الاوّابه
------------- توبه وتوبه هاذي آخر نوبه


عبدالكريم العيااش

[نجم الإبداع]

الله الله

ارحب ياعبدالكريم

وصح لسانك مليون على المصافحه الجميله شاعرنا

بعد الغياب

لاهنت

[عبدالكريم العياش]

المشاركة الأصلية كتبت بواسطة نجم الإبداع

الله الله

ارحب ياعبدالكريم

وصح لسانك مليون على المصافحه الجميله شاعرنا

بعد الغياب

لاهنت

تسلم
اخوي فلاح
وصح بدنك
لاهنت

[منيع]

مبدع ورائع
شكرا لك
تحياتي

[هترل]

ياسلام

صح لسانك شاعرنا الكريم مدد
جزله من راس جزل لاهنت

ودي

[الراقي]

صح السانك على هـــ الجميلــــة
رائع شعرا و حضورا
دمت بِكُلِ مَوَدَةٍ

ولك ارق التحايا

[داعي الشوق]

صح لسااااااااااااانك مليوون يا عبدالكريم

والحمدلله على السلامه

مميز في حضورك ولا ينقصه الا التواصل يالشاعر

صح لسانك مدد

ولاهنت

[عبدالمحسن الرحمه]

ياسلام سلم على هذا الابداع الراقي والله قصيدة
محكمة من شاعر حزل ودي لك ياراقي

[الطائر المهاجر]

مادامت ديود الابل حلاّبه
---------------عيشي معي في لذة الاكذوبه

سلمت وعشت
ولاهنت
تحياتي

[طيب النيه]

جزالة في الطرح
صح لسانك
ولاهنت
تحيتي واحترامي