ممشى سمو والدلع خطوة

[طوفـــان]

بسم الله الرحمن الرحيم

صبحكم الله بالخيرات والمسرات

أحبتي ، فـ الله ، طبتم وطابت أوقاتكم بكل خير وعافية ..


حقيقة لست ممن يحلق في سماء الغزل ، لكن نحات حمامة وسايرتها ..

أقول ..

سر ياقلم طيب وبرَضوَة=صفصف على قافية آني
فكري على الشعر له سطوه=يامر كما أمر سلطاني
من طيب الشعر لي حضوه=معروف طيبه بقيفاني
آخذ من النقوة النقوه=وأجمل الشعر بالحاني
أسامر الليل بالسلوه=والنوم أشقى ولا جاني
سبة هنوفٍ شبب توه=صدفة وبالسوق وافاني
تمشي غنج والهدب قسوه=قوسين وسيوف هنداني
ترفٍ تمايل من النشوه=متكوك جسمه وملياني
ممشى سمو والدلع خطوه=منها الثقل قال ياخواني
قلت الهوى شف يامنوه=قالت على هون يافلاني
سجيت وانتابني غشوه=عطره جذبني من أقصاني
قلت أطلبك يالغضي رجوه=سهم المحبة تمثناني
تبسمت وأرخت الغطوه=من عقبها طحت غشياني
شفت القمر مكتمل ضوه=بين علي واختفى ثاني
من عقبها دعوتي دعوه=حالي صويبٍ ومرضاني
يالله يامعطي القوه=تعينني ضعفت أركاني
مسكين من حالته رخوه=لاحب روّح خبر كاني
ياهل الهوا شبوا الجذوه=من حولها دلال رسلاني
هذا دواء الحب يالأخوه=مادام منته بالأكفاني

وسلامتكم ..



والمعذرة إن كان هناك خلل أو زلل ..

تحياتي للجميع

[هترل]

صح لسانك يالخوي مليارااات
مبدع وممتع بكل حالاتك لاهنت
نص جميل بجمال حضورك سعدت بان اكون اول من يصافح هذه الدره

تحياتي وتقديري

[طوفـــان]

صح بدنك يابوو أحمد ..

نور المتصفح بوجودك يابعدي ..

أشكرك على إطراءك وكلامك الجميل ..

أنا لي الشرف بتواجدك هنا ..

تحياتي لك ودمت بحفظ الله

[الطائر المهاجر]

جزل ومبدع
صح لسانك
ولاهان راسك
تحيتي واحترامي

[عبدالله السويلم]

عدّاك الزلل والخلل يالشاعر

صح لساااانك

سهل ممتنع

جزله من راس جزل

الله لايهينك

تحياتي لك

[طوفـــان]

صح بدنك دكتورنا على مرورك


لك كل الشكر والتقدير ولاهنت ..


تحياتي لك

[طوفـــان]

صح بدنك يابن سويلم ..

اتحفت المتصفح بقدومك وتعقيبك الحسن ..

لك كل الشكر والتقدير والإحترام على تواجدك اللطيف ..


تحياتي واحترامي لشخصك الكريم

[حرف وشعر]

جزله جزله ياشاعر الإحساس المرهف
صح بوحك ودمت والشعر

[الطامي]

طوفان
مامنك قصور او زلل
صح السانك
رائعة جدا
لاهنت

[منيع]

مبدع ورائع
شكرا لكم
تحياتي