ـــ..!(نــوووووف)!..ـــ

[عيادة الجهيلي]

يابنت منتي نوف وش جابك لنوف = لا والذي سواك منتي بحوله
هذيك قـَدْره بين الاضلاع معروف = ابيع مثلك لاتذكرت زوله
صحيح راحت من حياتي وانا اشوف = بس الغلا ماراح واعلن ذبوله
حبه نزل فيني مواعيد وطيوف = مثل المطر لحظة تأمل نزوله
انخى الغرام اللي معي داخل الجوف = واسمع صهيل الشوق ينخى خيوله
من بعدها وقتي سكاكين وسيوف = اطعن بها غدر الزمان وخموله
غبني عليها غبن من كان مكفوف = ماله عمام ولارجاء وصل خوله
ابوه مات ومات صبره من الخوف = وماتت امانيـّه وماتت حلوله
انا أشهد(ن) الحزن يانوف مصفوف = فوق العذاب اللي تعدل ميوله

[الطامي]

الجهيلي
صح السانك ملايين
ابداع لافض فوك
شكرا لك

[نجم الإبداع]

صح لسانك ياعياده

جزله

لاهنت

[ساهر الليل]

صح لسانك

رائعه من روائعك

لاهنت يا شاعرنا القدير

[عبدالله الشويمان]

صح لسانك يا اخ عياده

قصيده طيبه من شاعر اطيب

دمت بخير ولا هنت

[عبدالمحسن الرحمه]

صح الله السانك وعلى شانك
وافية من وافي زادك الله من فضلة

[عبدالله السويلم]

صح لسانك

ابدعت وامتعت


تحاتي لك

[بنت النور]

كتبت فأبدعت
صح قلبك
جزلة من راس جزل وشاعر مبدع

ولا هنت
تحياتي الطيبة

[مشعل التريباني]

اخوي عياده الحهيلي
الله يخلف عليك مافقدت
والله لقد ابكتي هذه القصيده
ابدعت كماعودتنا الابداع صح لسانك

[منيع]

مبدع ورائع
شكرا لك
تحياتي