ثاني العيد

[عادل بوبدر]

مدخل: حلم أستحضره كل ثاني يوم من أيام العيد

بسم الله أبدأ
::
الصدفه اللي في ضحى ثاني العيد
صدفه ولكن خير من ألف ميعاد

صادفت من سدل خصاله على الجيد
أهيف خصر في مشيته كنه منحاد

يمشي خجل ومن الخجل كنه في قيد
لو كان مثله ما بعد سيق و أنقاد

أبيض غضيض العود عوده تراديد
مثل الغصن مع نفحة الصبح معتاد

زين العيون اللي رمت عمرو في زيد
ورمشن ظليل يغر نشرات الأرصاد

قلت السلام اليوم يا باشة الغيد
تحية الضابط على كل الأفراد

رد السلام وصافح الإيد بالإيد
ورحبت به ترحيب زايد و يزداد

و من الفرح رددتها له تراديد
ولولا الحيا أنشدتها له بالإنشاد


الجادل اللي زينها ساد في السيد
غصبن على السادات مع كل الأسياد

قالت علامك جبت عيدن على عيد
لانيب لا عبله ولا أنت إبن شداد

قلت المحبه تطوي البيد بالبيد
وتقرب البحرين من شط بغداد

قامت تبسم لا براءه ولا كيد
ضحكة غنوجن بالغنج و التنهاد

قلت الوعد؟... قالت بدون أي تحديد
حسب الظروف السانحه يا أبن الأجواد

وأقفت عسى تصدق كذوب المواعيد
ويصبح لقاها عيد من ضمن الأعياد

مخرج: نحويا نفي النفي إثبات

قلم: عادل بوبدر

[الطائر المهاجر]

صح لسانك يالقرم
جزل ومتمكن
لاهنت
تحياتي وودي

[منيع]

ياسلام عليك
مبدع ورائع
تحياتي لكم

[عبدالله السويلم]

صح لسااااانك ملايين

جزله من راس جزل


لافض فوك


تحياتي لك يالغالي

[داعي الشوق]

صح لسانك و طاب حالك

والله يعين يالنفس الهواويه

ولاهنت يالشاعر

وصح لسانك

[المشيقح]

درة ثمينه
احسنت
ولا هنت
اجلالي وتقديري

[الطامي]

قلت السلام اليوم يا باشة الغيد
تحية الضابط على كل الأفراد

رد السلام وصافح الإيد بالإيد
ورحبت به ترحيب زايد و يزداد

ههههههه
بسم الله عليك وعلى قلبك يابو بدر
وصح السانك ملايين

[الراقي]

امتعتنا بهذه الرائعه
صح السانك الوف

دمت بمودة

[المسلم]

جزلة من راس جزل
صح لسانك وفكرك
ولاهان راسك
تحياتي

[سامي السالم]

صح لسانك
واصل الله يعطيك العافية