لخبطوني ..السياسه ولعبة الشطرنج

[الطائر المهاجر]

بالصوت في قناة الفطاحله باليوتيوب
https://www.youtube.com

لخبطوني بالسياسه صرت مدري وش يصير= كلما حاولت افهم صاب فكري انتكاسه
بين فرس وبين غرب وبين متأسلم حقير = شكلوا للماسونيه ثوب لو غير لباسه
ما نشوف إلا حروب وقتل مابرحم صغير= شعللوها في بلاد العرب من ساسه لراسه
كلهم مجرم اناني دون وازع او ضمير= والمصالح جمعتهم وابتدوا شغل الغلاسه
حاربوا ارهاب اليمن دام تصنيفه فقير= وناصروا ارهاب مصر دام مطمع للسياسه
والهدف واضح ولا يحتاج للرأي الخبير= العرب من دون فوضى يصبحوا مصدر وجاسه
يوم يتحدوا ويصبح امرهم امر عسير= عندهم موقع وثروه والشجاعه والحماسه
يكرروا بنيان مجدٍ ساطعٍ نجمه منير= بالمشارق والمغارب اعتلوا عرش الرئآسه
خططوا لاهدافهم قبل ما يبدا النفير= يومنا بغفوه وجانا المستشرق اللي للدراسه
يوم يدخل كل جحر ويفهم السر الخطير= من خلافات المذاهب والقبايل لاقتباسه
عقبها فرق تسد طبقوها باليسير= وشجعوا درب التطرف بيننا خبث ونجاسه
وطلعت اجيال تركض في عماها كالبعير= في تزمت او ترهبل ماعرف بالدين ساسه
ما درت منهو يحركها مدام انه ستير= تخدمه بتمزيق امه دون حكمه او كياسه
مقبل الايام يخفي كل شرٍ مستطير= لعبة الشطرنج تمضي والعرب بأسوأ تعاسه

[داعي الشوق]

الله يعين و يصلح الحال

و صح لسانك و فكرك و حرفك

تصوير واقعي و بالالوان

ابدعت ولاهنت

و صح لسانك مدد

[ساهر الليل]

صح لسانك وفكرك

قصيده رائعه وكايفه

من ظمير حي وقلب نابض

ابدعت يالطاير كل الابداع

لاهنت شاعرنا ,,,,,,,,,,

صادق التقدير

[احمد الكثيري]

ماشاء الله على هذا الابداع ابو عبدالله بارك الله فيك
وسلم قلبك الرائع
لك تقديري

[بنت النور]

صح لسانك مليون مايكفون
يعطيك العافيه
لاهنت
تحياتي وتقديري

[الطامي]

الطائر
صح السانك ملايين
ابداع وتفاعل مع الأحداث لافض فوك
شكرا لك

[نجم الإبداع]

لاحول ولا قوة الا بالله العظيم

صح لسانك يادكتور

رائعه

[منيع]

اجدت والوضع كما وصفت ولاينبئك مثل خبير
شكرا لك ولحرفك الحر
تحياتي

[الخنساء]

مـقــبــل الايـــــام يـخــفــي كـــــل شـــــرٍ مـسـتـطـيـر

لعبـة الشطرنـج تمـضـي والـعـرب بـأسـوأ تعـاسـه

صح لسانك ملايين
الله يصلح الحال
جزلة من شاعر متمكن
سلمت ولاهنت

[الراقي]

صح السانك على هـــ الجميلــــة
رائع شعرا و حضورا
دمت بِكُلِ مَوَدَةٍ