يلومني خِبِلٍ لاشغل ولا اراده

[الطامي]

اروح وارجع ثمّ اروح واعوِّد
وامتِّر الخط كنه شغل رداده

قد لي سنينٍ على هذا ومتعوِّد
ويلومني خِبل لاشغلٍ ولا إراده

وأقول ياوقت ياوقت الشقى هوِّد
خل المغربل يرّيح من شقاً بادَه

والناس هالوقت تبيِّض او تسوِّد
قليل من يجبر العثرات للسّاده

ماترضي الناس لو بالطيب متجَوِّد
سبحان من قسّم الاخلاق لعباده

ولوُّ أن مانا مع هذا بمتزوِّد
بذكر ربي وإستغفار وتِحِمّاده

واعيش وقتي بهالدنيا ومتفوِّد
بساعة فيها اكثر الناس رقاده

إن كان عزّاه لامن جيت انا معوِّد
وماينفع الا صالح الاعمال بزياده

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[منيع]

قليل من يجبر العثرات للسّاده

انااشهد جزل ومبدع يابومحمد
لاهنت وسلمت
تحياتي

[الطامي]

صح بدنك بو عبظالله
وماعليك زود
ولاهنت عالمرور والتعليق الطيب

[الطامي]

صح بدنك بو حمد
وماعليك زود
ولاهنت عالمرور والتعليق الاطيب

[داعي الشوق]

صح لساااااانك ابومحمد

جواب شافي بابيات معبرة

صح لسانك ولاهنت

[الطامي]

صح بدنك بو سعد
ولاهنت على المرور والمتابعه