يالفاتنه ...يالطاهره ...يالاصيله

[برقاوي هواوي]

يالفاتنه ...يالطاهره ...يالاصيله = يالناعمه ....يالهاديه ....يالخجوله
يالظامره...يالراويه ...يالطويله = يالناعسه ...ياأم الرموش الكسوله
يالمقبله صبح(ن) تعب منه ليله = يالمقفيه ليل(ن) يعيبه خموله
تمشين اقول ان الوطا فيه ميله = واذا وقفتي قلت منهو يقوله !؟
وجهك يسولف عن كثيره قليله = والقل فاضح والاوادم فضوله
اذا تكـــــلمتي ...أعدك بخيله = حتى كلامك ...مايجي بالسهوله!
ولا حروفك مالها فيك ...حيله = تمر شفتك وتطيح ....مهبوله !؟!؟
اذا تبســــمتي ....بروق المخيله = تعب يدرسها الزمان لقـــــصوله
ضحكتك سيل(ن) في عروقي مسيله = يالله لا تحرم فياضي ....وصوله
والازرق اللي فوق جسمك ..تشيله = وده يسولف عن هناه ...وذهوله
كنه (سماء) لولا شجره ونخيـــله = كنه (بحر) وانتي محــــاره ولوله
فيك الطباع ...الطاهرات ...الفضيله = فيك الصفات المغويات ....المهوله !
أحيان اشوفك ....كايده ....مستحيله = واحيان ....أشوفك ....مقبله لي عجوله
وصفك يطول ...ولا لمثلي وسيله =غير القصيد ... اللي بقلبه يقوله !!

شعر / محمد الحويماني

[الطامي]

الحويماني
صح السانك ولاهنت
ابيات طيبة من طيب

[صعبة المنال]

نقل رائع

صعووب