ياهيـــه يلي ماكله قشطة التاج

ياهيـه يلـي ماكلـه قشطـة التـاج=وشربه من الصحة وهرجـه غناجـة
وليا مشى كنه علـى فـرش ديبـاج=يادوب يطئ الارض والزيـن تاجـه
مثل الحمامة لا مشـت تـدرج ادراج=تخلف قلوب اهـل الهـوى بندراجـه
لبسه حرير ومركبـه صنـع ميـراج=جمس(ن) غريب الشكل صنع الخواجه
شغله على الريموت بادخال وخـراج=وزودن على الريموت كهرب زجاجه
ومـزودن تكيـف والبـدي لـعـاج=بيبانـه اللـي مادخلهـن عجـاجـه
لو طب له بارض(ن) قفارن وبطنـاج=من عجـه الـدلال ضيـع خراجـه
وسـط المدينـة ماتحـرك ولا مـاج=الا لتجهـيـز السـفـر والنهـاجـه
موديل عام الفين ومن احسـن انتـاج=مطلوب مـن كمـل جمالـه مزاجـه
اللي لـه الاضـلاع والقلـب ينبـاج=يسعد بشوفه لو ماخـذ منـه حاجـه
ابو خديد(ن) يسلب العقـل وحجـاج=وهدبـن مظاليلـن غطاهـن حجاجـه
انا اشهدنـه داخـل السـوق مـاداج=فـي منزلـه وياتيـه كـل احتياجـه
لاراح للدكتـور يبـي لـه عــلاج=مـن النظافـة والوقـايـه عـلاجـه
يفداه من هو ساكن(ن) ساحل العـاج=ويفداه من هـو ضاريـن بالمواجـه
ويفداه من هو ساكن(ن) حي سوهـاج=ديـرة هـل الدنيـا عيـال الدجاجـه
يهني مـن فـي حيهـا داج ثـم راج=من حولهـا والحـي داجـه وراجـه
وياناس انا بعده سجيـن يبـى فـراج=يالله بعـد صبـري تجيـب انفراجـه
هـذا شفـي والهـنـا دوم محـتـاج=وغيره من الخفرات عنـدي سماجـه
مـن السعوديـة ويسكـن بالافـلاج=ومن الحضارة صـار فيـه اندماجـه

الشاعر / ملفي مدله الروقي العتيبي

[الطامي]

مفارق عزيز
لاهنت على النقل الرائع
وصح السان قائلها وناقلها
وشكرا الك اخي

شكرا لمرورك يامنصور

واتمنى ان اكون وفقت في الموضوع

تسـلم أخوي عالنقـل الجميل


وصح لسان قايـلها

كل الشكر لك

دمت بخير

شكرا لمرورك

وصح بدنك

ودمتم بود

[ابراهيم عبدالحميد]

إختيار قمه فى الروعه و الإبداع
ينم عن ذوقك الراقى الرفيع

دمت و سلمت و غنمت

[صعبة المنال]

السلام عليكم ورحمة الله وبركاته


نقل رائع

صعووب

[زهرة اللوتس]

شكرا لك
اختيار رائع
ونقل قمة
تسلم ايدك
تحياتي

زهرة

اختياار موفق للغايه

وابياات بغاايه الجمال

تدل على ذووق شعري رااقي

وربي من اروع ما قرات

شكرا على النقل الراقي

[اللويحق]

بارك الله فيك
جميل ما اطلعت عليه
تحياتي