يغويكم الشيطان وبليس ملعون..!!

[عايض المقاطي]

.أعلم أني لست أكبركم سنا كي أقدم

مثل هذا النوع من القصيد

ولكنها

أتت هكذا

و أتمنى أن تقبلوها كما هي .

ياشاربين التتن بالله على الهون=اليا متى والنفس تتبع هواها ..؟!
اليا متى بالحال والمال تقنون=المهلكه.. سقم القلوب وبلاها
ياشاربين التتن لن كان توحون=ترى الليال السود يدرج رحاها
وترى العمر لو طال ماهوب مضمون=لابد في ساعه تلحف ثراها
يغويكم الشيطان وبليس ملعون=يمشي مع العالم ويبحث خفاها
وبعض العرب حبله مع أبليس مقرون=مطية لبليس يركب علاها
ويسوقها,, من دون, في دون, في دون=وليا حداه الوقت ..يمه حداها
ياشاربين السم وش تستفيدون=من سلعة للنفس تجلب غثاها,؟
كود الوهن والهم والغم وغبون=والعله اللي ما عرفنا دواها
اخذوا العبر من ناس فيها يعانون=وبين الحيا والموت يومي رشاها
كم واحدن همه فالأضلاع مكنون=ومن زايد الجلطات زايد.. عناها
لو تجلط قلوب البعارين..من دون=شكه تبا ترثع,, ويلعن ثواها
وترى الحياة دروس وعلوم وفنون=ومن لا تغداها بيمسي عشاها
والكيف ياهل الكيف ماهوب غليون=ولا سقارة سم تونس شقاها
الكيف واهل العرف لا شك يدرون=برية للنفس تروي ضماها
في دلة تجدى على الجال بالهون=من وارد البغداد قرم قناها
وبهارها المسمار.. والهيل موزون=واحلى من البير المسماه ماها
وياما حلا المجلاس, مع جرة لحون=يطرب لها المهموم لا من حداها
في مجلس فيه النشاما يهدون=مثل الحرار اللي هوت من سماها
مقعادهم دايم عن الزل مصيون=ماكر حرار القوم.. واللي لفاها
هذي غناة الروح,, والروح بالشون=كلن يدور في حياته غناها
وختامها تكفون, تكفون, تكفون=ترى الليال السود يدرج رحاها

[/QUOTE]

[الطامي]

عايض
صح السانك وبنانك وعلا شانك
وكتب الله لك اِلأجر والمثوبه عليها
لاهنت اخي
وشكرا لك

[مبروك بن ماضي]

الاخ الكريم الشاعر / عايض المقاطي
حضور شعري فاخر كالعاده
حضرت هنا لأنال شرف التوقيع تحت هذه الباسقه
صح لسانك وسلمت يمينك
دمت للإبداع والتألق
تقبل تحياتي واحترامي
أخوك / بن ماضي

[ســُلاف]

كود الوهـن والهـم والغـم وغبـون
والعلـه اللـي مـا عرفنـا دواهــا
اخذوا العبر من نـاس فيهـا يعانـون
وبين الحيا والمـوت يومـي رشاهـا
كم واحـدن همـه فالأضـلاع مكنـون
ومن زايـد الجلطـات زايـد.. عناهـا
ربي يجعلها في ميزان اعمالك ياعايض
نصائح قيمة واتمنى ان تجد عقول تفكر وتعي ماجاء بها
مذهبة للصحة والمال
صح لسانك وربي يهدي الجميع ويشفيهم من هذه العلة

[عايض المقاطي]

..منصور المري..

صح بدنك ولا هنت ولا هان مرورك


..مبروك بن ماضي..

جعلك تسلم والشرف لي بلا أدنى جدال


..سلاف..

صح بدنك وياهلا ويامرحبا


::

أخوكم

[داعي الشوق]

الاخ الشاعر / عايض المقاطي

صح لسانك وإعتلا شانك يا عالي الشان

قصيدة في الصميم

وجزله بالحيل يالجزل

بس ترى ما حنا بأكبر منك

تحياتي وتقديري ،،،

[علي محمد العتيبي]

وترى الحياة دروس وعلـوم وفنـون
ومـن لا تغداهـا بيمسـي عشـاهـا

ياسلام

ياسلام عليك ياعايض

ابداع في ابداع

قصيده كايفه

لله درك من رائع


صح لسانك مليوون



اعجابي واحترامي

[سناعيس]

الشاعر عايض المقاطي
نعم هذه هي الرسالة الساميه للشعر
والشعر اذا لم يعالج القضايا الاجتماعيه فلاخير فيه
ولا أستطيع الا أن أقول عصم الله كل من ابتلي بهذا الداء المهلك
وصح لسانك وبيض الله وجهك
الله لاهينك

تحياتي

[ابومياس]

المقاطي

بارك الله فيك يالغالي

نصائح نطلب من الله لك بها الاجر والمثوبه

صح لسانك وبيض الله وجهك

دمت بخير

لاهنت يالقرم لاهنت لله درك للجزاله

رائعه ووافيه صح لسانك وعلا شانك

تحيتي وتقديري