امـــــــــي ...

مساء الخير

اتمنى ان تنال اعجابكم واستحسانكم ..


امي

البارحه طول ليلي غارق بهمي= اراقب نجوم ليلي في مساريها
اقوم واجلس وامش الدمعه بكمي=واقول يالله دخيلك من تواليها
يالله انا طالبك ترحم حياة امي=وتنور الدار وبالامزان تسقيها
من بعد ماروحت والحال منسمي=امشي مع الناس مدري وين مغديها
ياكم من لقمة ٍ حطتها بفمي=وياكم من ليلة ٍ بان التعب فيها
تسهر على راحتي وتضمني ضمي=ياكثر ما اتعبتها ياكثر ما اشقيها
زرت المقابر انا والحزن نلتمي=وهليت من عبرتي ودي اصحيها
يايومه قولي بدر واقولك سمي=تكفين يادنيتي تكفين قوليها
يايومه ردي عليّ لاتحرقي دمي=لابوك يادنيتن زولك مجافيها
القبر من فوقها صامت ومنطمي=وانا على قبرها دمعي يساقيها
ياوجد روحي على شوفتك يا امي=طالبك يالله بالجنه تجازيها

طالبك يالله بالجنه تجازيها

طالبك يالله جنة خلد تجزيها

الشاعر
بدر الحمدان


..

[مروان الشيخ]

آمين آمين آمين


رحم الله امك واسكنها فسيح جناته

صح لسانك بدر

قصيدة تلامس اعماق الشعور....

[الخنساء]

صح لسانك اخي الشاعر بدر
لاهان را سك قصيدة رائعه
رحمها الله واسكنها فسيح
جناته وجمعكم الله في الفردوس
الاعلي من الجنه
سلمت وسلم شعرك
دمت بخير

[ابومياس]

طالبك يالله بالجنه تجازيها

امين يجعل لها جنه الفردوس دار القرار

هي وامواتنا واموات المسلمين

صح لسانك وبيض الله وجهك


دمت بخير

[محمد عبدالله البدراني]

الاخ العزيز سوار الذهب سلمه الله


اللهم امين اللهم اسكنها فسيح جناتك هي واموات المسلمين انك سميع مجيب

اخي بدر الحمدان والله لقد ابكيتني معك وفقك الله ورحم الله والدينا ووالديك

الف صح السانك ولاهنت يابدر


هذه تحياتي
مع اسمى ايات الشكر فائق الاحترام واطيب المنى رعاك الاله

[الذيب الذيب]

سلم بنانك وصح لسان الشاعر

جزلة من راس جزل ونهر متجدد من الإبداع
صح لسانك ولا هان راسك
تحياتي الطيبة

[مبروك بن ماضي]

طالبك يالله بالجنه تجازيها
اللهم آمين اللهم آمين
الاخ الشاعر / بدر الحمدان
صح اللسان وجاد البيان
دعواتنا للفقيدة بالرحمة والمغفرة والرضوان
وان يسكنها المولى فسيح الجنان
ويلهمكم وذويكم الصبر والسلوان
رثايئه باكيه مسكونة بالحزن والألم
تقبل تحياتي ومشاركتي 0

[ابراهيم عبدالحميد]

سوار الذهب

أللهم اغفر لها و واعفوا عنها ارحمها
أللهم اغفر لها و واعفوا عنها ارحمها
أللهم اغفر لها و واعفوا عنها ارحمها
أللهم اغفر لها و واعفوا عنها ارحمها
أللهم اغفر لها و واعفوا عنها ارحمها

آمين يارب

الله يرحمها ويغفر لها ويسكنها فسيح جناته

وجميع أموات المسلمين يارب


شكرا ً لك أخوي بدر على القصيده