من باب رد الجميل ..!!1

[عايض المقاطي]

في الحقيقه,,ترددت في طرح هذه القصيده كونها تحمل نوعا من

الخصوصيه,, ولكن ..لمكانة.. ومعزة.. من قيلت فيه

ومن باب رد الجميل,, قررت أن يكون لهذه الأبيات

حجزها المؤكد في أي مكان لتواجدي


فهي لكم يالفطاحل..

ياسعود أنا فالشعر ماني اعليمي=أنحت جلاميده واحده على أقصاه
ياكم قنعنا بالنوادر حكيمي=وياكم خبير بالنوادر قنعناه
فينا جبله من زمان قديمي=ورثة أبو عن جد,, حنا ورثناه
والشعر فصدور العوارف مقيمي=وحنا عن دروب المباديل صناه
نصح وفخر واحيان سم سقيمي=واللي ينومس للمدايح وصلناه
واليوم أبا أمدح فالعوارف حشيمي=وش عاد حتى مكسبه.. لا مدحناه..؟!
قدره عظيم وفالوصايف عظيمي=وقافي يشيب ولا حصرنا مزاياه
شباب..!! راع الطيب زبن العديمي=كفخ الجناح اللي قليل حلاياه
ذخر الصحيب.. وضد عين الخصيمي=ياكم خصيم يشتكي حر شلفاه
أمر المراجل في يمينه حتيمي=ونفسه على كسب العوالي مضراه
أبو هلا راع المقام المديمي=طلق الحجاج مدلع الضيف لا جاه
في مجلسه للعز حد صريمي=واللي جهل ينشد هل العرف والجاه
كريم .. مار أحيان ماهو كريمي=فوق الكرم تلقى محله وتلقاه
ولو للوفا والعز رجل يتيمي=أنا أشهد انه يالمطاليق مرباه
هو محزمي لا ثار عج وعسيمي=وهو محزمي.. لا حان وقت الملالاه
ورجل تحيزم بالحزام القطيمي=لا ميلت.. ماخاب من هو تعزواه
والله ليبطن زاهيات الزميمي=وهن ما أنجبن مثله ,,ولا قيل شرواه
وياللي تمر عصيل كانك فهيمي=حاذور خيال الكحيلا تعداه
وان كان وانك للمراجل نهيمي=أرد القراح ودله النفس برواه
وسير على شباب ولد العصيمي=عبيد. اللي ياعسى الخلد مثواه
وليا حصل فالعلم سين"ن" وجيمي=رد الخبر عني وهاته من أتلاه
وقول المقاطي قال.. والله عليمي=قول على عز ومعزه نقلناه
من لا يخاوي في حياته عصيمي=في ذمتي ما ذاق طعم المخاواه

[عبدالله الشويمان]

الله الله

صح السانك يالمقاطي..قلت فابدعت

كفوكفو ..وصح السانك ملايين..

ويستاهل راع الطيب ..

بيض الله وجهك على هذا النص المتين..

دمت بخير ولاهنت

[عايض المقاطي]

صح بدنك ياعبدالله


ولا عليك زود


ووجهك أبيض



ولا هنت على المرور

[صوت الإحساس]

صح صح صح لسااانك


وعلا شانك


من كريم لمستاااهل


وافي لاعدمتك


بيض الله وجهك

[عذب القوافي]

صح لسانك ياعايض

وافيه من وافي

تقديري


:::::أبوابراهيم:::::

[النهج المختلف]

عايض المقاطي صح السانك ,,,,
قصيدة رائعة من شاعر جزل ومبدع ,,,
لاهنت ياعايض لاهنت بيض الله وجهك,,,,
على هذا الرائعة والله يعطيك العافية ,,,
تحياتي وتقديري ,,,,

[عبدالرحمن بن زهير]

ونعم بك يالمقاطي وبلابتك وصح لسانك يالجزل

تحياتي

[داعي الشوق]

صح لسانك يالقرم ،

ما يقدّر الطيبين إلا الطيبين .. والنعم والله

[نجم الإبداع]

ارحب ياعايض

وصح لسانك على المصافحه الوافيه

وستين نعم بالمادح والممدوح


شكرا لاتحافنا


لاهنت

تقبل مروري

وودي

[حي الضمير]

كفو يالمقاطي والف صح لسانك
قصيده جزله الحقيقه ابدعت بنظمها ياعايض
سجل الاعجاب والتقدير الدائم