الله يعين اهل الاسهم راحوا فيها

تعاطفا مع اهل الاسهم والله يجبرهم في مصيبتهم
سمعت هالبيتين واعجبوني
يامن ملكت السوق في شركة احباب===ضارب وأنا وياك ماقول كافي
قدرك بقلبي مانزل مثل ينســــــاب====لا والله إلا فوق مثل المصـــ’افي

*كامل الاوصاف

[الريم]

آاي والله ربي يكون بعونهم

والله يعوضهم ان شا الله

[أم ريما]

الله يعوضهم خسارتهم

ويرجع السوق مثل ما كان واحسسسسسسسن


يعطيك العافيه

خخخخخخخخخخ حلوه القصيده
وصدق راعين الاسهم حالتهم النفسيه تتقلب بارتفاع الاسهم او نزولها اعرف لي ناس يقولون إذا كانت الاسهم مرتفعه اليوم بسوي لكم كذا وإذا كانت نازله الله يعين اللي عندهم بياكلون كم تهزيئه على اتفه سبب كله من الاسهم

[الطائر المهاجر]

يامن ملكت السوق في شركة احباب===ضارب وأنا وياك ماقول كافي
قدرك بقلبي مانزل مثل ينســــــاب====لا والله إلا فوق مثل المصـــ’افي

ياشاري الأسهم ترى شراك ماطاب= هذا انت جرحك مالقى له مشافي
لا تشتري سابك وقرب على ساب = واطلع قبل ينزل تشوف العوافي
واذا نزل سهمك فنم نومة الداب = وتغط زين بكنبلٍ دوم ضافي
ومن قبلها رجلك بفكس وشراب = وكبسه سمك من بعدها البان صافي

السوق توه سوق قطلة ومشعاب=سوق(ن) على الأخبار بين وخافي
وان كان تبقى الربح خلك بدباب= مالك ومال سهيمات الضوافي
لا تدخل الميدان مع عكف الأشناب= لا كنت توك فرخ ريشك خفافي
وإن كنت صقر وللنويرات شباب=ادعم وتلقى خير والخير ضافي

[الطائر المهاجر]

يعني عبادي من الهوامير الأطناب = يا ويلك من الله عليم الخوافي
تاكل حلالي ما تحريت لعقاب = قلبك حجر ما ظن يعرف روافي
خاف الكريم اللي عن الذنب تواب= ورد الخساير قبل يوم الزفافي
يومك تزف للحد ومن فوقك تراب = وتبدا المطارق تشتغل وانت غافي

[منيع]

ترى عبادي من الاسم ماله اعقاب=اسمه مع المزماروضرب الدفافي
لاتبلش الرجال في سهم ينساب=مالك وماله يازعيم القوافي
خله يبادلك التحيه والاعجاب=وشرب معه شاهي وناوله كافي
ماهوكذا تدفن جنابه بالاتراب=اركد ترى ماكل الاسهم مصافي
هذا عبادي يستحق الترحاب=ولااقول لاتخلي خوافي

[الطائر المهاجر]

حطك محامي عنه من غير اتعاب = من طب فالميدان نطلعه حافي
حكيه دليل انه خبير وكساب = وانا فروخ في تداول خفافي
قلنا اجل هامور بالسوق لعاب = يمكن مع التحريك تبدا الخوافي

	إن كان تبغى العذر ما عنك مجناب= حلفت ما سيبك مع البرد دافي القول بالتحريم له ناس(ن)اصحاب=تفتي بعلم(ن) بلسم الجرح شافي أما انت خلك للدبيبات ركاب=وأعرض سهيماتك وأجيها خطافي يا فرخ حذرا من معاكيف الأشناب= احذر حذاري واحتزم بالكفافي