يشبه اللي بالهواء يلفح الريشي

[فواز الغسلان]

راكـب الـلـي سـايـقــه رافــضــن بـيــعـــه=يـشـبـه الـلـي بـالـهــواء يـلـفـــح الـريــشـي
لاطـرى داف الـحــشــى فـي مـرابــيــعــه=يـطـربـك فـي مـــتـــعــبـات الـمــطــاريـشـي
قـيــمــتـــه شــيـك(ن) رسـمـنــــا تـواقـيـعـه=بـالـوعــر يـروي كــبـــود الـمــعــاطــيــشـي
مـاتــضــايــق ســايــــقــه فـي مـطــالــــيـــعـــه=صـــانـــعــيــنـــه لابـســيــن الـــطـــرابــيــشـي
ولا زبــن ورشــة هـنــيـــدي لــتـــرقــيــعـه=وقــام يـرداه بـشــطــيـــر الـشــواكــيـــشــي
ولا صرخ تـرسـه من الـضـيـم فـي قــيـعـه=اشـهــب(ن)تـــوه بـالاوراق مـانــيـــشــي
ولاركـض وسـط الـمـعـارض لـتــجــمـيــعـه=ولا يــــلاقــى عــــازتــــه بـالــــمـــنـــاقـــيــشـي
عـارف(ن)في حمر الاطـعاس تـسـنـيــعــه=يـجـحـمه من دون دفش(ن)ولاطـيـشـي
سـايــقــــه بـالــفـــكــر يـفــــتـــح مــشــاريـعــه=مـايـفــكـــر بــالـصـحــن والـخـراطــيـشـي
عـــادتــه عـــســف الــمــواتــر وتــرويـــعــــه=ولـو يـصـيــح الـجـيـب يـجـزاه تـطـنـيــشـي
كـلــمــا نـاش الــــدبــل فــي مــرافـــيـــــعـــه=يـصـطــفـق مـثــل الـذيــاب الـمـخـاريـشـي
تـشـتـكــي بــرد الــشـــتــاوي وتــجــويــعــه=وعــن بــواريــد الــنــشـامــى مـنـاحــيــشـي
وجــهــنــا دار(ن) بـــعــادن مــجــاديــــعـــه=مـاوطــت فــيــهــا الـغــنــم والـحـواشــيــشـي
الــــدداســن مــاتـــجــي فــي مــقـــاطــيــعـــه=لـو يــســوقــه مـــن كــبـار الــمــتــانــيــشـي
قــاطــع(ن)درب(ن) تــنــازى جـــرابــيــعـــه=مـايـجــي درب الــنـــقــط والــتــفـــاتــيـــشـي
لادعــس لــه فـي طـواريــف اصـابــيــعــه=صــوت هــمـــال الـمــزون الــمــراهــيــشــي
مــزنــة(ن)سـالــت وكـثــرت مــنـاقــيــعـــه=تــجــــدع الـلـــي يـاصــلــونـــه مــلايـــيــشــي
مــع نـســانــيــس الــشــمــال وذعــــاذيــعــه=شــايـلــن بـالــجــيـــب كــل الــقــرامــيـــشــي
لاجـل عــيـن الـلـي خـذتــنــي بـتــفـريـعـه=خـفـرة(ن)تــمـــشـط طــوال الــعـكـاريــشـي
الــحــــلاء كــلـــه نــبــــع مــن مــنــابـــيـــعـــه=ومـاشـكت شمـس الـضـحـى بـالـخـرابــيـشـي
ولاظـهــر بـالـســوق ركــضــه وتـرثــيــعــه=تــخــتـفــق بـالــســوق مــثــل الـدراويــشــي
حـازت اوصـاف الـحــلاء فــي تـنــاويــعــه=وفـي مـكــاحــيــل الــعــيـون الــمـرامــيــشـي
الــحـــــلا مـــعــهــا وقــــامــت بــتـــوزيـــعــه=بــيــن زيــنــــات الــخـــرز والــــقــراقــيــشـــي
مـاخـــذت مـكــيــاج غــيــره وتـلــمـــيـــعــه=ولا خـذت زيــنـــه بـلــبـــس الـدشــاديــشــي
لـو بـغـيـت الـوصـف طـالـت مواضـيــعـه=جــســمــهــا يــشــبــه لــيــــان الــمــفــاريـشـي
ريــحــــهـا ريــح الـــفــيــاض ونــعـــانــيــــعــه=وعــــنــــقــــهــا يــوضــي بــلــــيــــا دنــــاديــشـــي
امتـلـى سوق الـعـرب مــن مــصــاريــعـــه=وصـرت مـن جـمـلـة قـلوب(ن)مـبـالـيـشـي
كــن قــلــبـــي لاطـــرى يـــوم تــوديـــعــــه=هــجــرة(ن) فــيــهــا تــنــام الــخــفــافـــيــشـي
خــفـرة(ن)يـطـرب خــفـوقـي بـتــدلــيــعــه=خــص فــي وقــت الــدلــع والــفــرافــيــشــي
هـاجـســه يــجــذب لــعـيــنــي مـدامــيـــعـــه=لامــضــى لــيــلــي تــجــيـــنــي مـهــاتــيـــشـي
ضـحـكــتــه فـرحـة خـفـوقـي وتـشــجــيــعــه=وخايـف(ن)ظـلــم الـقـلـوب المـغاشـيـشـي
عــالـــم(ن)بـالـحـســد تـرجـــف مــدافــيـعـه=دايــم(ن)تـسـعــى لـجــرحــي وتـطـفـيـشـي
صـــار قـــلــبــي مــثــل خــــيـــــفــــة زواريــعــه=مــن مــزون(ن) ثـــار فـــيــهــا لــوالـــيــشــي
خــابــر(ن)شـيـن العــواصـف وتـفـــديــعـه=لاطــرت لـه صــار بـالــفـــكــر تـشــويــشــي
الــرعـــد يـجــلـــب هــجـــوســـه وتـخـــريـعه=وان سـمـع حــس الــرعــد جــاه تـطـريـشـي
وذاق مــن وبــلـــــه عـــــذابــه وتـلـــويــعـــه=وراح زرعـــه مــابـــقــــى بــه عــرامــيــــشـي
عــقــب مــاقــلـبــه يــراجـــي مــطــــامــيـــعــه=صــار مــرتـــــع لـلـــنــيــاق الــهــشـاهــيــشـي
تــقــل تـلــعــب فـــي ضـروســه مــقــالــيــعـه=او رجــمــتــه فـي سـلاح(ن)مع الـجــيـشـي
مـثــل قـلــبــي حــــيــن يـــفــــقــــد مــراتـــيــعـــه=مــوت قــلــبــي فــقـــد زيــن الــنــقــاريــشــي
وجــبـت قـاف(ن)حـزت فــنـــه وتـرصيــعـه=هـو تــوالـــي خــزنــتــي مــع مــحــاويــشـــي
لــو نــبــي تــخـــمــيــس قــافــي وتـربــيـــعــه=يــدهــجـــن مــثــل الــمــزون الــنـشــانـيــشــي
مــاكـتــبــت الـقــاف وارجـــي مــنــافــيـــعــه=مـن هــمـوم(ن)بـالـحــشـى لــه تــنـاجــيــشـي
كـــان نــيـــران الـــحــشـــى زاد تـولــــيـــــعـــه=او نــتـــش قــلــبـــي غـثــيــث الــنـواتــيـــشــي
ويــل قــلـبــي مــن غـــثـــــاه ومــواجــيـــعـــه=ان نــوى الـمـحــبــوب طــردي وتـــفـــنــيـــشـي
وعــقــــبــهـــا مـايــنــــفــــع الـــروح تـشــيـــيـــعــه=لا فــصـــل تــيـــار حــــبـــــه مـــع الــــفــــيـــــشــي
لـيــت قــلـبــي صـادق(ن)فـي مـرامــيــعــه=وكـان خــابــت وابــعــد الــزيــن مـااعـــيــشــي

[ابومياس]

ليت قلبي صادق(ن)في مراميعه
..................وكان خابت وابعد الزين مااعيشي

هذي المصيبة يابن غسلان

صح لسانك وبيض الله وجهك

جزله من جزل

دام حرفك

ودمت بخير

[احساس أنثى]

قصيده راااااااااائعه

صح لسااااااااااانك وسلمت يمناك


يعطيك ألف عافيه..............لاخلى ولاعدم

مع التحيه

أخوي فواز

لله درك

وصفت فأمتعت

صح لسانك

وصح فكرك

شاعر مبدع ومتمكن

تحياتي وإعجابي
بعظيم حرفك

[حي الضمير]

الشاعر الرائع فواز الغسلان الف صح لسااااانك
قصيده راقيه وجزله
وابدعت يامميز كعادتك

[الطامي]

الغسلان
صح السانك ملايين
جزلة من جزل متمكن
لافض فوك يالغالي
شكرا لك

[الطائر المهاجر]

صح لسانك على هذا الإبداع
لاهنت طال عمرك
تحية واحترام

[عبدالله الشويمان]

صح السانك اخوي فواز

قصيده جزله يا الجزل

ومن عادتك الجزاله

دمت بخير ولا هنت

[حوريه]

كتبت ..فابدعت..... وتميزت ....


اخوي فوااااز...... قصيدة اكثر من رائعه


تسلم اناملك ياشاعرنا المميز.....

دمت وداااام عزك...

[فواز الغسلان]

المشاركة الأصلية كتبت بواسطة ابومياس

ليت قلبي صادق(ن)في مراميعه
..................وكان خابت وابعد الزين مااعيشي

هذي المصيبة يابن غسلان

صح لسانك وبيض الله وجهك

جزله من جزل

دام حرفك

ودمت بخير

الاخ ابومياس حياك الله ومشكور يالعزوه

تحياتي لك