اقطعـك رجـل مابراسـه مـروِه؟؟؟؟ والمري

الطامي · 01-08-2008, 05:49 PM

قصيدة متواضعه اقدمها لكم عسى ان تحوز على رضاكم

اقطعـك رجـل مابراسـه مـروِه = وان جت مواقيف المراجل فمعدوم
واقطعك رجل طافيـنٍ كنـه دُوُه = ماله ذكر عند القرابه ولا القـوم
ومن لايروم المرجلـه والمخـوَه = شبحه قصيروماكره عشة البـوم
ومن لاقطع درب المعالي جـروَه = يصبرعلى الهونـا رديٍ ومهثـوم
قلته وانا منصور واجـزم بقـوَه = ان العلوم الغانمه تبـي صيـروم
قلتـه ودربـي للمعالـي ونـوَه = وذكري مع العربان طيب ومحشوم
في شبَتي دربي مشيتـه عنـوَه = بعزمِ شديد وعانـة الله واسلـوم
الطِيب والطيَـب لدربـي قـدوَه = واجنب الرديان طبعـي وملـزوم
واجازي الطيـب برفعـة سمـوِه = ومن قدم الحسنا يجازىبهـا دوم
رزقي على اللي لاومر بالعطـوَه = ماتنقصه وتزيد في رزقنـا كـوم
اعيش وقتـي ورزق الاخرغـدوِه = الاعمارمابين المحرج وذا سـوم
واجنَـب اللـي فيـه شـرٍ واذوَه = اخاف يبلاني ويصبح علي لـوم
فمن لايجنِب كل مخلـوق سـوِه = ياتيه يوم تصير زوماتـه اعلـوم
ومن لايعرف صاحبه من عـدوه = ياتيه مع الايام صكـات وثلـوم
والناس فيهـا طيبيـن وعتـوه = من عند رب البيت معطى ومحروم
هـذا ولا اهثـم طيبيـن الفتـوَه = اللي لهم بالطيب مشهود وقـروم

ابومياس · 01-08-2008, 06:28 PM

قلته وانا منصور واجـزم بقـوَه
...................ان العلوم الغانمه تبـي صيـروم
قلتـه ودربـي للمعالـي ونـوَه
.............وذكري مع العربان طيب ومحشوم

والنعم فيك يامنصور

صح لسانك وبيض الله وجهك

نص جزل من جزل

دمت بخير وعافية

وليدالبسطي · 01-08-2008, 07:15 PM

ونعم يامنصور

كفو كفو

وصح لسانك

لاهنت

اخوك

وليدالبسطي

منيع · 01-08-2008, 07:30 PM

ابيات رائعة ومعبرة
شكرا لك
تحياتي لكم

الصريح العتيبي · 01-08-2008, 07:35 PM

الاخ الاستاذ الشاعر/منصور المري00000000000سلمه الله
صح لسانك واعتلى شانك
لاهنت
لااملك امام هذه الباذخه الا ان اقول صح لسانك
وفي الحقيقه انها لاتكفي والقصيده من وجهة نظري
لم تاتي من فراغ وانما عن معاناه حقيقيه
تقبل مروري ودمت بخير حال