ياخلف ياخلف ياخلف( 44 )مره

[فواز الغسلان]

اخواني واخواتي ادارة ورواد منتدى الفطاحله المحبوب

كل عام وانتم بخير ومبارك عليكم شهر رمضان الكريم

لاحرمكم الله اجر قيامه وصيامه00

سهمنا ياخلف خـسـران دامي طـحـت بالهامور=وانا اللي ياخلف طبيت في حفرة هواميره
اعـاند ياخلف حوت(ن)كبير(ن)يـنـقل الـبـاكور=يجازف ياخلف ماخاف من كثرة مخاسيره
تركته ياخلف واقفيت عن سوق القهر مذعور=احاول ياخلف تحـليل طـيـحـاتي وتفـسيره
وقلنا يـاخـلـف نـلـعـب قـبـال الـجادل الغندور=وقصدي ياخلف تعديل مـاضينا وتـغـيـيره
لعـبـنـا ياخـلـف قـدام ريــم(ن)فـنــهــا مـشـهـور=تراوغ ياخلف واللـعب ماتخـطي بـتـمـريـره
تهاجم ياخلف برموش عين(ن)تجدعك مسحور=وجسم(ن)ياخلف يكوي خفوقي في مساميره
وانا اللي ياخلف غلـطـان يوم ألعب بلاجـمـهور=لانه ياخلف يـشعل حـمـاسـي في مزاميره
تسدد ياخـلـف مـبروم كـنـه بالـمـثـل جـونـيـور=وعيني ياخلف تـبـلـش بكورتـهـا وتدويره
هـزمـنـي ياخلف من دون لا رايـه ولا دستـور=وقالوا ياخلف يـمكن تـلاقـي بأمرها خـيره
وقـلنا ياخـلـف خـيـري ملاقـاتـي لـبنـت الـنور=ونوري ياخلف طـافـي سبب كـثرة فواتيره
ورحنا ياخلف للكشف لاجل مشاور الـدكتور=لـعـلـه ياخـلـف يكشف علـيـنا في مناظيره
عن اللي ياخلف تقدح بـجـوفـي قدحة الدافور=اريده ياخلف يكشف سبب جرحي بتصويره
وراحت ياخلف ساعه وانا تحت الخطر مصفور=وعقبه ياخلف جـانـي معه نـاتـج تـقـاريره
وسمعته ياخلف يطري ثري مع سقس عقب الفور=وهذي ياخلف تعني مغادر دون تاشيره
يسولف ياخـلـف لـلـي بـجـنـبـه يرتـجـيـه الشور=وهقيته ياخلف بلشان في فـحـصه وتحريره
نظر لـي ياخلف نـظـره وقال ان الـحشى مجدور=ولا له ياخلف منفوع في طـقـه وتـخـديره
وقالوا ياخلف ترجـي وعود(ن)مع وعـد بلـفـور=وطـالـت ياخـلف والزين ماشفـنـا تـنـانيره
عطـانـي ياخلف شوره نسافر صوب ديـر الزور=وشدد ياخلف لازم سـريـع نـغادر الديره
وقـالـوا ياخـلـف لازم تـهـاجـر هـجـرة الـعـصـفـور=وقلبي ياخلف مـنـهـار من قصفه وتدميره
مضى لي ياخـلـف في جور مـحـبوبـي ثـمـان شهور=وقبله ياخـلف عامين بين الشك والحـيره
حياتي ياخـلف مظـلوم مع مـبسم شبـيـه الـحـور=من اللي ياخلف تركـي على جوفي مناشيره
واذا هو ياخـلـف صـمـم تـرانـي بالـهـوى مـقـبور=وقولوا ياخلف خسران من عـاند غناديره

[الطامي]

الغسلان
صح السانك
طيبة وجزلة وافية
وشكرا لك

[ابومياس]

صح لسانك وبيض الله وجهك


يابن غسلان


ومبروك عليك الشهر الكريم

تقبل الله منا ومنكم صالح الاعمال

دمت بخير

[داعي الشوق]

صح لسانك يالشاعر فواز الغسلان

قصيدة رائعه بروعة شاعرها

لها تصوير جذاب مع فلاشات براقة

صح لسانك يالغسلان مع التحية ،،،

[يوسف بن صالح]

من عاند غناديره


صح الله لسانك ولاهنت

وافية من وافي



لاعدمناك يالغالي

[سناعيس]

شاعرنا والراوي الرائع فواز الغسلان
مبارك عليك الشهر وجعلنا واياك من صوامه وقوامه
وصح لسانك على هذه الرائعه التي وكأنك قصدت بها لسان الجميع
لاهنت وبيض الله وجهك

تحياتي

[حوريه]

أبيات راائعه من شااااعر راااائع

مبروك عليك الشهر الكريم يا فوااااز

تقبل الله منا ومنكم صالح الاعمال

دمت بخير

[الأموره]

الله ،، الله يالغسلآن

ابدعت و ربي

هطول جدا رائع

صح لسانك ملايين

سلمت و سلم فكرك

الف شكر لك

دمت برعاية الخالق

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[حي الضمير]

شاعرنا الرائع الراوي فواز الف صح لساااانك
ابدعت كعادتك والتميز عنوان قصائدك دائما
ولاهنت