///ــــــور الـــصيــن

[مشاري بن محمد]

بسم الله الرحمن الرحيم


والسلام عليكم ورحمة الله وبركاتة



اولاً لعذر ثم العذر ثم العذر على هذا الانقطاع ولكن لضروفي الخاصه والخارجه عن الاراده تم هذا التقصير اسال الله ان يكون الاخير..

بسبب انتقالي من المملكة العربية السعودية لجمهورية الصين الشعبية تعطلت عن دخول الانترنت كثيرا وعن الكتابة ايضا



سريعه وقد تكون (لحظيه) اتمنى ان ترتقي لذائقتكم اساتذتي

اقوله والدموع الدم من عيني على الغالين=اقوله والله الشاهد على قولي وعن حالي
اقوله يا هوى بالي ذبحني يالغلا ثنتين=انا همّي بعد بعدك عمى عيني وقدّا لي
كتبتك يالقصيد الحر لا مجبر ولا بي شين=ابيك توصّل المرسال يمّه لا فضى جالي
بدعت من المعاني ما يهوّل قاري التحنين=من حزومٍ على صدري تدك القلب يا غالي
ابهذي وان كتبت من القصايد كبر سور الصين=عن التاريخ وهمومه وعن حبٍ يورّى لي
شسوي حيلتي ضاعت وطارت جملة وحرفين=وباقي في يدي بعض الكلام الي بيبقى لي
احبك حب يا نجد العذيه يوم بك رابين=احب حزومك وظلعك الى شفته شرح بالي
واحبك يا ديار الي (غلاها) ساكنٍ بالعين=الى مني تذكرته سرحت بغبت آمالي
ابو عكش العيون الي سحمها ما غشاه الطين=وابو خصرٍ الى شفته ذكرت الله بالحالي
وابو قدٍ ترانيمه تدندن عين ليل وعين=وشعرٍ مثل مجدول العنان ومنبته عالي
وخدٍ كل ماشفته تنميت (اكلك يالتين)=وصدرٍ زمّته مثل الحصان الطايش الجالي
وصوتٍ لا نشد عني تغار عيوني الثنتين=تقول (ا)شلون بس اذنك هي الي تسمع الغالي
ذبحني يا محمد طاري التوديع بين و بين= احبه بس ما اقدر ارده. هالقدر جا لي
تركته وانهزمت وفي يدي باقي بعد ثنتين=بقى حبه بقى حبه بقى حبه وغربالي
الى مني رفعت الراس يم النجم لين يبين=تساقط فوق خدي دمعي الهمال يا والي
الهِ الكون علاّم النويا محيي الميتين=تصبر قلبي ببعده وتبرى الهم يا العالي

وسلامتكم

[يوسف بن صالح]

مشاري بن محمد


صح الله لسانك ولاهنت

شاعر جزل .. وشاعر جميل

نص ينساب كماء النهر الجاري


لله درك .. كتبت فأبدعت


لا تحرمنا هذا الحضور الجميل



لاعدمناك

[مشاري بن محمد]

المشاركة الأصلية كتبت بواسطة يوسف بن صالح

مشاري بن محمد


صح الله لسانك ولاهنت

شاعر جزل .. وشاعر جميل

نص ينساب كماء النهر الجاري


لله درك .. كتبت فأبدعت


لا تحرمنا هذا الحضور الجميل



لاعدمناك

الاستاذ يوسف

صح بدنك وعلى شانك ولا هنت يا غالي

مرورك اول عطر الصفحه طال عمرك


ويا هلا

[مبروك بن ماضي]

الاخ الكريم الشاعر / مشاري بن محمد
صح لسانك مدد بلا عدد

جزله من جزل

صح لسانك مليوووووون

تقبل مروري

أخوك

[عذب القوافي]

الأخ الشاعر مشاري بن محمد

صح لسانك

نص وافي لله درك يالغالي

سررت بالمرورعلى فاتنتك

تقديري,,,,

[سعيد الصاعدي]

الاخ الفاضل / مشاري بن محمد
صح لسانك لاهنت
وصوتٍ لا نشد عني تغار عيوني الثنتين
تقول (ا)شلون بس اذنك هي الي تسمع الغالي
نص شعري راقي جدااااااا
من شاعر متمكن
تسلم ويسلم فكرك يالغالي
تحياتي
أخـــــــــــوك
س / ص

[الــذاهبه]

مشاري بن محمد

صح الله لسانك لاهنت اخوي

[منصور العبدالله]

مشاااااااااااااااااااااااااااا ااااارى هلا والله بابن العم

يااااااااااااااااه يامشارى كل هالشجون بقصيده وحده

كل هالوله بمتصفح واحد

تووووووووقع ونا اخوك لا تحرق المتصفح



عذب والجزل ونا قلت الغربه بتزيد توهجك

بس ماتوقعتها بهالسرعه

اجل بعد سنه وش بتقول

حمد الله على سلامتك

وزين انك تواصلت من خلال الفطاحل على الاقل نطمن عليك

تحياتى لقلبك

وصبرا ابو محمد ومردك لنجد

[حوريه]

مشاري بن محمد

الحمد الله على لسلامه
وياهلا بك في محلك
صح قلبك على هالقصيده الرااائعه
نص رااقي كرقي حضور
بدعت وأبدعت
دمت وداااام ابداااعك

[نجم الإبداع]

صح لسانك وسلم بنانك يامحمد

جزل

لاهنت


تقبل مروري

وتقديري