|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
تصدقين كنت أكلم فيك ساري بكل حين وكان ساري بكل مابه من حنين كان غير غير ..كل الساريين وكنتي انتي ايه انتي كنتي غير وتصدقين هذا ليل المر ..مر والقمر ..نادي علي وقال لي بصوتي ياتي من بعيد يابعيد أقرب اقرب يمي مر وقلت له ..أمر ..أمر ويم مريته بخير وقال لي يا شين ..حر ونار هذا البرد طافي قم واشعلي جمر ومن ضلوعك أحطب المعنى سمر ولا تجمر سو لي فنجال ..قهوة علني القى لي سلوه واشرب الفنجال مر بفــن / جال مره وطعت شوره وقمت له ورحت يمه في السماء حيث تكوين النساء غير ..عن كل النساء وحيث كان الماء ..ماء ولا يصب بله إناء ولاعطشت ..من السحاب أعصر الغيم ..بيديه أعصره حتى يجيني من ناده الماء بيديه ندى وفيه ماء وارتويه ..ويرتويني بدون ما أضمى لما ...! وكل قطره ..من سراب في إناء ومن عذاب جت تغنيني عناء بكل ليله ..فيها ذاب قلبي ..اللي ماعرفته الا يومني صدفته خلف باب ٍ كان ...خلف هذا الباب باب وفي السماء وثم ..اروى دون ماء من ماء النقاء وحلم ..متبخر ..سراب كان يحلم من قديم بس كان بـ أحلام الشقاء في العراء ااه منه كان هذا الحلم طير ورغم هذا مايطير وكان هذا الطير غير وكان ..اكبر ..ذنب عنده ان هذا الطير طير ..حر وما قدر الا يغير وكانت الدنيا ..صغيره وكنت أناضر بس بعيون الحياء كيف عاش الحر ب احساسه فقير ورغم هذا مايحس انه فقير وكل ما به في عيونه كان بعيونه كبير حتى لو هو كان اسير ..لا يسير الا للمنفى ..بعيونك حتى لو أنه كسير وكانت عيوني ..تناضر في خضار الارض ساعه وكانت الساعه كبيره تصدقون كانت بقد النظيم وكنت اناضر في مناضر توصل الحي ..التياعه وفي جماعه كانت تصلي ..جماعه نصفها بلا ..وضوء وكان من خلف الجماعه ضوء لكن كان هذا الضوء ..احمر أح /مر وكان عنده ناس واجد شخص راكع وشخص ساجد وكنت ان من بعد لكن كنت انا اعد كم لهذا اللون ناس مادرت ..بحساس ..ناس ولا بها ..أضن يمكن حتى لو ..إني أدور مابها يمكن أحساس وكنت حاس ..إني ضياع من بعيد وكنت اعيد كانو ناس يومهم ..كنه سنه وعامهم ..ياهوووووو ..طويل وياهو مرررررررره مررررررررررررررررررر حيل وحولهم بيت ..كبير وفيه خدام ..وعبيد وفيه للسادات ...سيد وفيه تحديد المصير وفيه شي مايصير وبه يصير ولا يصير الا شي ٍ فيه هذا السيد يأمر والا شي هو يريد شي لاكن شي غير وتصدقون وسط هذا البيت ..شفت شي لاكن شي غريب شفت وسط البيت بير وفيه وسط البير ..طير وبه حمامه بس بيضاء كانت تغني ..وتقول يافصول ٍ ..اصبحت ..ماهي فصول وياحقول ٍ ..تنبت الزيتون كانت وانتهت ماهي ..حقول ووشفت خلف البير ..نار وشفت ناس وشفت فاس وشفت ..مفقود ..الضمير جالس فوق الحصير وشفت ...شي ..مايصدق شفت بعيوني الكبير اللي كان اول يسيد وكان سيد جاء لمفقود الضمير وفي يده شايل عصير وقبل لا يشرب عصير قال ابي وقال ابي وقال ابي وكان لامن قال ابي جاء جواب السيد له كل ماتبي يصير وشفت ..فيه هنا مسبح وكان مسبح ..بس قلب ايه مسبح والله مسبح بس قلب ماهو مسبح ناس غلب وكان في هالمسبح الماء طعم أخر طعم فاخر طعم زاخر بالهناء ماهو ماء الاشقياء اللي ..كافيهم بقاء ماء اطيب أطيب أطيب حتى من ما تشربون ماء لكن ماء غير كان ..يتلون ..بمائه وكان مائه يكتب المعنى ..بدائه وكان دائه يغتسل فيه ..الاكيد وفي ردائه وخلف هذا المسيح اصبح شي ..مدري يمكن ..اضنه ضباب وباب يفتح ..بالهوى لكل ماسمي دواء وبه شفاء لكل داء ..جاء يعيد رسمة المر ..بحياتي وذاكرة ماضي رفاتي بعد ..ماندي ..لطفله كانت ..من الحب ...جفله رغم إن الطفله هذي كل يوم وهي في حفله مره ..يحيها عبادي والا اغاني عن بلادي وعن ودادي ومره ..كان الصوت فيها يغني ..في احساس هادي ولما تلاقينا ..على سفح رامة ٍ وجدت بنان العامريه أحمرا فقلت خضبت الكف ..بعد فراقنا قالت ماعاذالله ..ذلك ..ماجرى ولكنني ...لما وجدتك راحلاً بكيت دماً ..حتى بللت به الثرى مسحت ب أطراف البنان مدامعي فصار خضابا ..في اليدين كما ترى .. ياسيدي بدري وتو الليل ماهود وانا جالس على الشرفه واناديلك رغم اني حيل خايف اني لا اجيلك واجي لك ورغم خوفي صحت با على الصوت هييه انتي تعالي لي وغني لي لوهي غنوه وفل الليل ..من ليلك ما دام العمر ..لك سلوه وانا عمري ..فدى ..خيلك تعالي ..وضوي قنديلك كافني الليل ياحلوه ومدي لي ولو غلطه حرير ,,ملمسه يدك ومن ودك وقولي لي عن اللي بك ..,ماهوفيني وعن ما بك ..وما جابك على بالي ويكفيني ولو مره ولو غلطه تعالي لي وانا اللي ما سكن حالي عن اني بك ..ولك ..مابك اغني بك هو الغالي هو العالي وانا اللي ضيعه ليلك وقنديلك واتذكر ..أغني الحب واغني لك يووه ..اسف ..اثر ماينفع ..حياتي نجتمع والليل ..حلم والبقا سوط ..جلد ٍ وعلم والكتوف ..من العراء جت تصحيني ..خلاص لا تغني ..يسمعونك ويكتبونك ..شخص مجرم ويصلبونك تحت ..ميدان ..البقاء ورغم هذا ما تموت ياخي كافي لا تغني واسمع لصوت ٍ ينادي جاك يركض من بعيد يحمل بيمناه سيف ومع حراس وعبيد وانت مجرم بالفناء وبنته الماء ب إناء قدمت ماء ..الاكيد لفاقد إحساس الضمير ياخي أفهم افهم أفهم ما انت حمل ..للشقاء ولا انت ..حمل للبقاء تحت ..أسياط القصيد وحلم لامنه تعسر بالولاده وبعد مر الوقت انولد ينوئد وهو وليد يا اخي افم دن دن دن لجل تخرج ..من فنائك ولفناء السيد تدخل ثم تصبح عبد ..من ضمن العبيد بس سيـــد ياخي دن
يقول دن ..وقلت أنا ..صعب أدني=وانا الذي ياقاتلي ..في خبر ...كان
ضنك يدني ..من يقول ..الك ..حني=لامن رحل في عالم الغيم ..نشوان ياعود ..غصن ..من حمل به ..شدني=والله ثم والله ..وازيد ..الايمان لولا الضروف..اللي تعرف ..أحجبني=إني لاجيلك ..لو بها أموت ..يالبان لكي دخيلك ..كان تشعربي.. عني=لازلت في منضور ...عينيك ..منــ/دان وقلي ..اذا من يابس الخبز..سني=ودع مكانه ..وانتحى ..كيف الاسنان وقلي ..اذا اللي ..بالمحبه شطني=ماحني فيني ..كيف انا ..احن ..لاشان وقلي الى من صار ..ماصار ..غني=لاني ..بغني ..بس في حس فنان كان يتمنى ..لك يجي ..بس كني=لاصار ..دونك..وانت بضلوعه أغصان لاهزهن غرب ..الهبوب ..وعصني=مالى جدى ..غير أقبل ..بحب عصيان يابو رموش ٍ ..بالسهوم ..ارتمني=ميل الغصن ..وتمايل ..على شان أقول ذقت اللي بهن ..واشبعني=ومن بعدهن ..عن كل مالذ ..شبعان وقرب لي ..الماء ..والمضامي ضمني=واليا شربت ..ابا اقول ..ضميان لو هن روني ..منك ..لا ماروني=لاكن رغم هذا ..عن أي ماء ..رويان ولامال غصن فيه .. خوخٍٍ ..مجني=لاتحرمين ..اللي تحت غصنك ..اثنان طعم الشهد ..واللي بهن شاهدني=والماء واللي ..به من النار ...ناران لاصار ..ماء البير ..والدن ..دني=معقول ..أموت ..وداخلي ..حي بلشان ياوردي الأحمـر ...مللت ..التعني=وقلبي ماعاده ..مثل الاول ..وذبلان لاهبه الغربي ..هوى ..وارجهني=وقام ..يتخيل ..كيف ..تميل طربان ياهن ..هن الحزني فيني ..وهني=غيم ..نطر ..بي ماطره ..وهو ثملان قال إسمعني يالبني ..وافهمني=ماغيرها ..هي الاهم (وبس ) بسـ/تان وهى الهوى ..اللي بصدري سجني=وهي السجين ..المتهم فيه سجان اللي من شفاها الحروف ..اذهلني=بالذات لاقلت ..(ماأحبك) وبلسان يجر حرف الميم ..لين... يغفني=في شفته باقي حروفه ..ولا.. تبان ساعة أكن الغيم ..واشهق ..واكني=وارسم غيوم بداخلي ..وارسم اوطان فيهن لقيت ..الحلم يقول ..حني=ماناقص المسكين ..ياغير ..تحنان مر ..اول الالام ..حتى ..أمتحني=وخلاني ارسم فيه ..لوحة للأحزان لوحة وفيها بحر ..فيه ابحرني=حور العيون ..اللي حشا ماهي اعيان فيها من الاشجان ..ماهو شجني=وانا بليا ..ماني ناقص للاشجان مجنون خلقه بس ..مافيه جني=لو يكتب ..احساسه ..تحسه باللحان يامى وزنته ..بس ياهو .. وزني=لو ماتوازنت بحياتي ..ب الاوزان ياقال.. لي ..يالله بنا ..قم نغني=وثم جر صوت بالشجن ..جر شفقان على عشيرٍ ٍ ..راح ..صعب يثني=يوم ٍ خذوه لشايب ٍ ساق الاثمان في ..ديرة ٍ فيها النفل.مرجهني=مامرها ..إنسيٍ ..ولا مرها ..جان لاجر ..صوته ..بالغناوي ..فتني=وانا خويك ..منفتن ..دون ..فتان وش لون لامن قال ..بالله عني=محتاج أعيش انسان ..بحساس إنسان واقول ..ليش ..لمن طعني ..طعني=مايكفي ب أبائنا ..نعيش يتمان ياجرح لا تاوي ..واذا اويت ..خني=يمكن يموت بداخلي ..طفل بردان كل الشتاء والصيف ..حلم وتمني=وجاه الخريف ..وصار شايب ..وخرفان من ماحصله ..صاح لك ..دودهني=بنات فكر ..عانن بفكري ..حرمان كانن ..يجني قبل ..واليوم ..جني=وانا خويك ..ما اقدر ارد ..ضيفان واكرمتهن ..ياخوك ..حتى البسني=واصبحت ..منهن .شيخ لاشك عريان وعلى مقيض القيض ..كم قيضني=حتى لبست فريهن ..في وهج ضان واليوم ..جني ..عقب غيبه ..وبني=ماعاد به قدره على الفور ..يا فلان لاكن ورب القدس ..هن فورني=في دله ٍ ..مع سلسبيل ٍ ..ودخان ويوم الغياب المر ..جن ..وازعجني=على رسول الحب ..من قلب هويان وقالن لي اليا شفت ..من يستكني=لاسمع صوتك ..قبله بين الاعيان وقله تراني ..ميت فيك .. وإني=ماعاد بي ..قدره على البعد ..هلكان واليا ..لمحت شفاه لك ..تمتمني=ثم قالن ..بكل الغنج ..منه زعلان قله تراه يقول ..مني ..ومني=أني حرام ..ازعلك ..طول الازمان وان خاب ضنك في ..ماخاب ضني=في دمك اللي بي جرى وسط شريان لاكن ياقلبي ..فيني شي ..يعني=واحيان ..عاصي ..مايطوع لي عنان طفل خبل ..فيه البداوة ..تطني=تاريخ ..ماضي ..وانهدم ..فيه سيسان وجدار ..مكتوب عليه هل ..تبني=لاماتت الهقوات ..ببناء ...بنيان وثم جيتهن..طايش ..واذا طيشني=دايم أجيب العيد ..في عيد الاوطان واقول حني ..(...(....) ابوك) ..حني=كم لي وانا اقول لك ..يكفي ..جنان ماني مدني ..يعني ..ماني مدني=حتى لو إن العمر ..صار بخبر ..كان لاصار ..من مني ..رفض قول..مني=وش له اعيش انسان ..لامت ب انسان |
||
![]() |
![]() |
رقم المشاركة : 2 | ||
|
صح لسانك وبنانك |
||
![]() |
![]() |
رقم المشاركة : 3 | ||
|
مدد صح لسااااانك يافهد |
||
![]() |
![]() |
رقم المشاركة : 4 | ||
|
صح قلبك يافهد |
||
![]() |
![]() |
رقم المشاركة : 5 | ||
|
الاخ الكريم الشاعر المبدع / فهد الغبين |
||
![]() |
![]() |
رقم المشاركة : 6 | ||
|
صح صح صح لسااانك وكلك جزله من شااعر جزل دمت بهذا التميز والعطااء الفريد لا هنت اموااااج |
||
![]() |
![]() |
رقم المشاركة : 7 | ||
|
الفاضل فهد الغبين |
||
![]() |
![]() |
رقم المشاركة : 8 | ||
|
صح لسانك ولاهنت |
||
![]() |
![]() |
رقم المشاركة : 9 | ||
|
سلمت وصح لسانك |
||
![]() |
![]() |
رقم المشاركة : 10 | ||
|
امتعتنا بهذه الرائعه |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 3 ( الأعضاء 0 والزوار 3) | |
أدوات الموضوع | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
دندنه والهوى كله عذاب | الطائر المهاجر | ساحة المحاورات | 36 | 18-04-2010 03:54 PM |
ياوعد الذيب وش به | الطائر المهاجر | ساحة المحاورات | 31 | 18-07-2006 06:16 PM |
وين الشيوخ مفـسرين الحـلام | مهدي الحبابي | ساحة المحاورات | 23 | 17-07-2006 01:14 AM |