عـرش الـمـشـاعـر

[محمد بن عمار]

السلام عليكم …
جديدنا اليوم .
من القصائد اللي تعترض للشاعر
وتجي كذا عفويه و صرفه .

عـرش الـمـشـاعـر

ناقشته أسباب الفشل = لحب ٍ تداعى ، ما اكتمل
متمسك ٍ بآخـر آمل = وحاولت ، قـدر المستطاع
إني أ بـّرر ، موقـفي = باللي حصليّ ، و أكشفي
وابصم على ذا واحلفي = من غير تزييف وخداع
لوكل من جاء واقطفا = ورد ٍ لغيره .. بالخفاء
ما ظـّل في الـدنيا وفـا = والعرف بين الناس ضاع
ظل الشجر مهما يطيب = ما للورق حظ ونصيب
الشمس تصلاه بلهيب = تحرق غصونه بالشعاع
ضمّيت طيف ٍ لو يدوم = طرنا سوى فوق ونحوم
بين الكواكب والنجوم = وفي بحره أفـل الشراع
لوهو عن أطباعه يجوز= ويترك تواريخ ، الدروز
أيلول وتشرين وتموز = وفعل ٍ مثل فعل الرعاع
من شوقه اللي اعتلا = عرش المشاعر وأشعلا
قلب ٍ به الحب امتلأ = وغطى مساحات ٍ مشاع
خففت عن قلبي مدام = العلم ما وصل السنام
وأدركت مفهوم الغرام = إنه ، مصالح ، و إنتفاع
جري غرامه في الوريد = جور ٍعلى صدري يزيد
والله لو قـلبـي حديد = يـمـديـه من هالجور ماع
كلما بدأ ،، مثل القمر= مقبل يداعب في الشعـر
لولا إحتياطي والحذر = إن كان ، عقلي منه ، فاع
ولامنّه أغضى بالهدب = نورالسماء عني إحتجب
وأظلم نهاري من سبب = نظرات ابو عيون ٍ وساع
منه احتسي صافي الشراب = لنازف شفاياه العذاب
شهد الثنايا ،، لين ذاب = توشك حياتي بالوداع
رمت الطويلة ما خذيت = من الأماني ما بغيت
الله من رجم ٍ رقيت = ولا كسبت إلا الضياع
شفت المكابر والجحود = وتجاهل ٍ فاق الحدود
رغم المساعي والجهود = ما إنحل موضوع النزاع
طبعا ً أنا مالي مجال = أدخل متاهات ، وجدال
وأصير رهن الاعتقال = من فعل ، كفي واليراع
لا شك هذا ، مولجي = عليه أسيّر ، و أعرجي
لين المسائل تفرجي = وأقدر على ، نزع القناع

محمد بن عمار

شاعر المشااعر

لله يعيطيك العاافيه

قصيده رااائعه

من شااعر متمكن

لا هنت

موج القصيد

[عذب القوافي]

الجزل / شاعر المشاعر

صحيت كلك نص جميل كما هي عادتك

تقديري ,,,,,,,,,,,,,,

[زهرة اللوتس]

شاعر المشاعر
مبدع ماشاءلله تبارك الرحمن
سلمت وسلم فكرك
جزلة من شاعر جزل
لاهنت وبيض الله وجهك
لك مني
اطيب تحية

زهرة

[منصور العبدالله]

الله ما اروعك

سبك وحبك

نوته شاعر لا يجديدها

الا انت

رائعه بروعه راعيها

تحياتى ورد

[الصريح العتيبي]

الشاعر القدير/محمد ابن عمار

صح لسانك واعتلا شانك

ولاهنت على هذه الرائعه

ولكن لاتزال الدنيا بخيــــر

اعلل النفس بالامال ارقبها***مااضيق العيش لولا نسمة الامل

دمت بهذا الابداع والشموخ

[سناعيس]

رباعية رائعه من شاعر جزل ورائع
صح لسانك يابو عبدالعزيز
ولله درك
بحر ماشاءالله عليكم

تحياتي

[عبدالعزيز ابراهيم المنصور]

نَصّ رَائِع وكم هيّ جَميلة العَفْويَة

كَلِمَات فِي قِمَة الرَوعة

لافضّ فُوك

دُمْتَ بِخَير

[مبروك بن ماضي]

الاخ الشاعر / محمد ابن عمار
صح لسانك ولاهان راسك
قصيده طيبة بطيب راعيها
تقبل مني أجمل تحية
واعجابي بما قرأت

[داعي الشوق]

صح لسآآآنك يالشاعر

^~*¤©[£] محمد بن عمار [£]©¤*~^

شاعر جزل

و صاحب إبداع جميل

صح لسانك مدد بلا عدد

تحيتي لك مع التقدير