من طاح ماحوله من الناس عـتـبــان

[فواز الغسلان]

من طاح ماحوله من الناس عتبان=او يسمعه رجلٍ خواله عتيبه
فهو طايحٍ رجواه في كان ما كان=يلقى الفـزع والا حـدر في مصيبـه
شهادةٍ يشهد عليها ابن غسلان=ومن كان وسط الناس يدرى نصيبه
من عقب ماخاويت عالم وعربان=شباب واللي لاح بالوجه شيبه
ولقيت بالعربان زودٍ ونقصان=مثل الخيول ملافحات السبيبه
لكن سنام اهل الفزايع والاكوان=واهل المواقف بالوقوت العصيبه
في روق مع برقا صواريم عدنان=اللي بوقت الكون تجدع حريبه
لاصاح صياح الاجاويد بلشان=وبيبان حل القوم ماهي قريبه
يشكي دروبٍ به ثمانين شيطان=وجرحٍ عجز ياصل حراوي طبيبه
ونخواه ضاعت بالهواء تقل دخان=مع عاصفن بالصيف يدفن قليبه
ياكثر من يبقى من الناس نعسان=او قال بلشات العرب وش نبي به
الا العتيبي ينفجر فيه بركان=وكبده على الفزعات يقدح لهيبه
اصغرهم اللي بالفزع طير حوران=والا تشوفه مثل سرحان ذيبه
حاديه طيبٍ عايشٍ طول الازمان=مع والدٍ يشفق لطيبة نسيبه
وقلبٍ بموج الطيب يسقيه شريان=وجيلٍ قديمٍ شاع بالناس طيبه
شبابهم تغني عن الناس شيبان=وجنودهم فاقت مراتب نقيبه
ولا طاع بدروب الردى نصح كوبان=والطيب لا مطمع ولا هو غصيبه
لاشك ماله بالمهاريب بيبان=ونفسٍ تشوف الهون عار ومعيبه
والناس كله بالفراغات شجعان=وتسمع هروجٍ بالخلايق عجيبه
والكود لطبوع المخاليق ميزان=لا قام وقت الكود يقرى خطيبه
يظهر لك اللي يحتمي تال الاظعان=ويمناه تغني عن جيوش وكتيبه
يذري على الشده ضعافى ويتمان=ورجلٍ وقع بالناس ساقه حطيبه
ونسل الردى يبني مخابي وجدران=ويشرب من دلال الفزايع سريبه
من لاذ به في ساعة الكود خسران=ويابعد مشرق شمسها عن مغيبه
ولا لي مع العتبان مطمع وخلان=لاشك جحد الطيب ياناس خيبه
وانا اشهد انه بالفزع شانهم شان=ومن يجحد اهل الطيب ربي حسيبه
وليت العرب عند المفازيع عتبان=وياقرب طيب اللي خواله عتيبه

[عبدالرحمن بن زهير]

ونعم بك و بعتيبه عز الله انهم يستاهلون المدح من دون نقص بباقي القبايل...صح الله لسانك يا فواز وهذا ماعهدناه منك....تحياتي...

[عبيد دعيع القلادي]

فواز الغسلان

وانعم با مادح والممدوح

ونعم في عتيبه وفي جميع القبائل

صح السانك قصيده جزله من شاعرًا متمكن

تقبل تحياتي

[مبروك بن ماضي]

الأخ الفاضل الشاعر / فواز الغسلان
بقدر روعتك يكون الشعر ..
لك ولقلمك كل التحية والتقدير
صح لسانك وجاد بيانك
ولا تحرمنا من ابداعاتك المتميزه
دمت بخير حال
أخوك / بن ماضي

[حوريه]

فواز الغسلان والنعم بك و بعتيبه


وصح لسانك قصيده رائعه من شاعر رائع


لاهنت ولاهان مغليك


أجمل المنى مع التقدير


.

[زهرة اللوتس]

فواز الغسلان والنعم بك و بعتيبه


وصح لسانك قصيده رائعه من شاعر رائع


لاهنت ولاهان مغليك


أجمل المنى

مع التقدير

زهرة

[داعي الشوق]

يالشاعر فواز الغسلان

و بــيـّــض الله وجهك يا بن الأجواد

وافي وافي يالنشمي

و

[حي الضمير]

صح لسانك وعلا شانك
ويستاهلون العتبان طيبين ساس ومغراس
والقصيده جزلةو رائعه وابدعت يامميز
أجزل التحايا والاحترام

[منيع]

ياسلام عليك
ابدعت واجدت
والنعم والله بالاجاويد والفرسان عتيبة وكل القبايل
بارك الله فيكم
تحياتي وتقديري

[الطامي]

الغسلان
صح السانك ملايين
كفؤ يستاهلون العتبان
والنعم بك وبهم
شكرا لك