حفرت قبري ياهل العرف بيدي

[احمد الجريفاني]

طلبت عين الشمس عودٍ من الضـي=
في حلكة الظلمـاء يولِّـع سراجـي =
قالت لي ابشر ثم غابت عـن الحـي=
وانا لعين الشمـس مازلـت راجـي =
لا مر عـامٍ قلـت ابنتظـره شـوي=
ياعـل صبـري ينتهـي بانفراجـي =
عشرين عام انطر ولا شفت انا شي=
غير الظـلام وحيرتـي واحتياجـي =
عشرين عام ومهجتي جرحها نـيء=
اكابـد الحسـرات شربـي هماجـي =
الناس قالت وشلـك بطـرد مقفـي=
ماطعتهم و اليـوم صعـبٍ خراجـي =
حكَّمت قلبي واثري القلـب مخطـي=
الفـوت فـات ولا يفيـد احتجاجـي =
حفرت قبري ياهـل العـرف بيـدي=
يوم اتبـع المقفـي لمـوتٍ مفاجـي =
رحت ابي اعالج قالوا الجرح مبطـي=
العالـم الله كآنـك انسـان نـاجـي =
وبدأ يبيع اليـاس فينـي ويشـري=
وضاقت يعيني واسعـات الفجاجـي =
وجيت ابي اقوم وعيّت الرجل تمشي=
كني سجيـنٍ حـال دونـه سياجـي =
وامسى نديمي كسرة سـراج مطفـي=
لاليلي انصفنـي ولا الصبـح باجـي =
عزاه مـن خـلٍ ذبحنـي واناحـي=
سكناي الأرض وهو سكن برج عاجي =
حسيبك الله كآنـك اسرفـت بالغـي=
كيف العزيز يصير برضـاك لاجـي =
ياما دعيتك ريـم وخشيـف وظبـي=
ولا هقيـت انـك تعكّـر مـزآجـي =
تركتني فـي قاعـة البيـر مرمـي=
ولعبت بي لعـب الطفـل بالعياجـي =
آخـر عـلاج العلـه الخافيـه كـي=
كويتنـي واخفيـت عنـي علاجـي=

[الطائر المهاجر]

نص رائع من شاعر رائع
لاهنت يالغالي
تقديري واحترامي

[داعي الشوق]

صح لسانك يالشاعر

احمد الجريفاني

الابداع يتجدد هنا

لله درررررررررك

و صح لسانك مليوووووووون

شاعر رائع دائما يالجريفاني

صح لسانك مع التحية لك

[نفحات حساسة]

يعطيك العافيه..
وصح السانك واعتلى شانك..
ولاهنت..قصيده رائعه
تحياتى لك..

[منيع]

كل الروعه والجمال والابداع
بارك الله فيكم
تحياتي وتقديري

[الطامي]

الجريفاني
صح السانك وبنانك
جزلة من جزل
لاهنت

[ناصر عبيد الهواوي]

الشاعر احمد الجريفاني
ابداع في ابداع
وبوح جميل ورائع
بيض الله وجهك
ولاهنت يالغالي
تحياتي وتقديري

[احمد الجريفاني]

داعي الشوق سلم قلبك

[صعبة المنال]

نص راقى
وحضووور مميز

صح لسااانك

صعوووب

[وليدالبسطي]

الشاعر الشامخ





احمد الجريفان




صح لسانك مليون


على هذا الابداع


المتميز والمستمر


سجل اعجابي


تحياتي



اخوك

وليدالبسطي