يامرحبا وياهلا

[نجم الإبداع]

شفت السراب الذي فكّرته الماء يسيل =واثار عيني اختلتني واثر وقتي خصيم
واحترت بالامر واحسب من لفانا اسيل = عودت ارحب بمن جاء يوم طاب النسيم

[شجون القصيد]

ان كان فكرته الما مــاسقاك المخيل ... وكل ظامي يعود عقب شوفه سقيم

ياليت خالد تقدم كان عندي بديـــل .... ولكن عقب الصيام نشوف حلٍ سليم

[نجم الإبداع]

الليل مظلم وانا بالكاد شفت النخيل =والسيل جاء من جنوب الظلع والشام غيم
اشوف برقه ورعاده ولا اشوف سيل =ياعل وديان تروى من ضماها المقيم

[شجون القصيد]

ياشيخ كل ن على الطاروق عنده دليل 0000 وآنا مع احساس شعري وانت قولك حكيم

لكــن انا مهــرة ٍ مـاجـرّهـا فـوح ويــل 00000 ارسى على كلّ طرق ن لو براس الزعيم

[فارس القوافي]

ياسلاااام


واصلوا تو خلصت المباراه بالتعادل

[نجم الإبداع]

الله الله

صح لسانك واستلمي

لاهنتي

انتي لفيتي على اهل الجود قبل الرحيل =واحساس شعرك غدا ذاوي بذات الرقيم
يالمهره الي دخلتي قدمك سباق خيل = والسايس الي يسوس الخيل قلبه رحيم

[الطامي]

رائعة جدا
محاورة طيبه
لاهنتو

[شجون القصيد]

شوف الدجا وادعك ماعاد بالليل ليل ===== ونووومة الشيخ وقته قبل وقت الفطيم
وان كان لي عمر ثاني نلتقي بالجليل ===== ويامرحبا الف مره من شجون القصيم

[نجم الإبداع]

تلقين خير وحضورك مابه الا الجميل = واقول يابنت محفوظه بحفظ الكريم
فرصه سعيده وحنا بالوفاء مانميل = شباب وان شاب راسي لو تمادى الفهيم

[نجم الإبداع]

صح لسانك اخت شجون

سعدت باللعب معك

شكرا لك ولكل من مر وسيمر من هنا

موووودتي