بالدّور ..

[حسن الشريفي]

بالدّور ..

بالدّور ياهْمـومي .. على البال بالدّور
لي قلب واحـد .. والزمن ما رحمني
من وين بلقــاها .. ولي قلب مفطـور
من حــظّ عـاثر .. ولاّ هـمّ ٍ قسمني
تكـاثـرت .. واستـسلم القلب مجبـور
هـم ٍ يـروح .. وهـمّ ثـاني استـلمني
آخـر هـمـومي .. روّح قبيـل منصور
بالصـبر قاومتــه .. ولكـن .. هـزمني
سلّمـتـه الخافــق .. ولا قـال مشكـور
بارض الحشـا عاث ومشى ما حشمني
وش حيلتي .. والحظّ له ساق مكسور
لوّ التفت له قـوووم .. ونّ وزهـمني
ولي غصّة ٍ تاقف .. على راس حنجـور
والحزن من طــوله .. بصمته لجمني
ولا من شكيت الهمّ واحسـاسي بالجور
أقـرب قـريـب ٍ .. بالتـأفـف .. رجـمنـي
الناس ماهي ناس .. وارض الوفـا بور
حـتى حبيـبـي .. من ســؤاله حرمـني
يا باحث ٍ عن ســرّي .. السّــرّ مقـبـور
ومهما شرحت الحـال .. محـد ٍ فهمنـي
ماجـور .. ياقلبي على الضيـم ماجـور
والله يســامـح .. من بفعــله ظلـمـنـي

[فارس القوافي]

حياك الله ياحسن

الله يفرّج كل هم

صح لسانك


لاهنت


يعطيك العافية


دمت بخير

[الطامي]

القحطاني
صح بدنك
رائعة لاهنت اخي

[حسن الشريفي]

فارس القوافي ..

اللهم آمين ..



الطامي ..

صح بدنك ..



شاكر مرروركم وحضوركم

أرق التحايا ..

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[صعبة المنال]

بالدّور ياهْمـومي .. على البال بالدّور
لي قلب واحـد .. والزمن ما رحمني
قصيدة جزلة

صح لسانك وحرفك

صعووووب

[عذب القوافي]

الجزل / حسن القحطاااني

صح اللسان وجاااد البياااان

نص وافي من وافي

تقديري ,,,,,,

[مبروك بن ماضي]

الاخ الكريم الشاعر المبدع / حسن القحطاني0
كالعاده .... مشرقه هي القصائد اللتي تكتبها .
صح لسانك وفكرك وانا اخوك .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل أخوك / بن ماضي
تحياتي واحترامي

[نفحات حساسة]

ماجـور .. ياقلبي على الضيـم ماجـور
والله يســامـح .. من بفعــله ظلـمـنـي



الله عليك..
وصح السانك مليون ولا يكفون
رائعه كروعتك..يعطيك العافيه
وسلم فكرك..تحياتى لك..

[حسن الشريفي]

الطائر المهاجر ..

ياهلا وغلا

نوّرت الصفحة ..