ديرتي حايل وراسي با العلالي

[احمد الجريفاني]

يا محمد فزعتك شف وش جرى لي=دوك قلبي لوعته الشمريه
غربلت بي واضهرت فيني هبالي=صرت كني لعبه بناعم يديه
المصيبه غاليه بنت(ن) لغالي=وامها درة زمانه شوشليه
بهذلت بي يا محمد ما تبالي=خلت ايامي ليالي سرمديه
قلت له روفي بحالي يا حلالي=بنت عم ولا بعد عندك حميه !
قالت انت اللي تغزلت بجمالي=ما تعرف ان الغزل ذنب وخطيه؟
تسكن العارض وتعشق با الشمالي=وشلك بحب العنود الحايليه؟
قلت والله يا الحبيبه ما زهى لي=غيرك انتي عاشقك وانتي بنيه
ودي اتهنى بقربك با الحلالي=واخطبك في سنة الله ونبيه
قالت اسمح لي اشاور راس مالي=عن طريق امي واخبرك ضحويه
قلت يا خوفي منك يا عزتالي=اهرب من القوم وآقع با السريه
قالت اللي صبرك ماض الليالي=عاجز يخليك تصبر لو شويه
قلت ابصبر يا الغلى روفي بحالي=اساليه ابسرعه وردي عليه
قالت انته لهجتك لهجت رمالي=قلت هذا لي شرف يا الاجوديه
كلنا شمر مبهرت الدلالي=مكرمين الضيف عشاق المنيه
عزنا من فعلنا باول وتالي=الخوي فينا يحامي مع خويه
ديرتي حايل وراسي با العلالي=اتغطى شمسها وارقد بفيه
ديرة الحجلان ذربين الفعالي=وافتخر بللي سلومه شمريه

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[نفحات حساسة]

ونعم والله..
صح السانك مليون ولا يكفون
رائعه..يعطيك العافيه
تحياتى.

[داعي الشوق]

و النعم مليوووووووون يالرمالي

و صح لسانك ملايييييييين

لاهنت يالجريفاني

قصيدة طيبة من راس طيب

لاهنت

و صح لسانك مع التحية لك

،،،،،،،،،،،،،،،،

[الخنساء]

عزنـا مـن فعلنـا بـاول وتالـي

الخوي فينا يحامـي مـع خويـه

ديرتي حايل وراسي بـا العلالـي

اتغطـى شمسهـا وارقـد بفيـه

ديرة الحجـلان ذربيـن الفعالـي

وافتخـر بللـي سلومـه شمريـه

صح لسانك مليون ولايكفون
والنعم فيك وبشمر وبحائل مسقط راسى
قصيدة جزلة من شاعر متمكن
جسد جميل المعانى وروعة الوفاء
سلمت ودام حرفك

[حمود السكراني]

صح لسااانك يااحمد الجريفاني والنعم


فيك وبقبيلة انت منها سلم بوحك على هالرائعة

[منيع]

والنعم فيكم
ابيات والااروع
بارك الله فيك
تحياتي وتقديري

[عذب القوافي]

الجزل / أحمد الجرفاني

صح لسانك

نص جميل وتستاهل عروس الشمال

تقديري ,,,,,,

[ترانيم المطر]

ديرتي حايل وراسي بـا العلالـي
اتغطـى شمسهـا وارقـد بفيـه
ديرة الحجـلان ذربيـن الفعالـي
وافتخـر بللـي سلومـه شمريـه


والنعم فيك وبشمر صغيرهم وكبيرهم

والنعم بديارهم ولا هنت ولا هانو

صح لسانك ولله درك ودر الإبداع والتميز

دمت بود

[شجون القصيد]

لقصائدك دوما نكهة مميزه

ياسلام على الشعر الحقيقي حينما لا يستأذن في معانقة القلب

مليئة بالأحساس الصادق والتمكن في الطرح

أمتعت الذائقه

قصيده تحمل كل معاني الحب الحقيقي

سلمت يداك

وصح السانك وحسك الذي جعلنا نرحل ونعيش مع هذه الروايه

قصيدة محبوكه .... وعلى طريقة الكبار

تقبل اعجابي استاذي الفاضل الى مالانهايه بقلمك وشاعريتك الفذه