الرجل من صحْبته واللي يخاويه

[الطائر المهاجر]

من صاحب الأجرب على الحول يعديه= ومن صاحب الخيّر نجح في اختياره
الرجل من صحْبته واللي يخاويه = فاختر رفيقك صقر ماهو حباره
رجل نظيف وثابتاتٍ مباديه = عقلٍ ودين ما مشى في الدشاره
دينه بقلبه يحكمه في مماشيه= يمشي على سلوم العرب في مساره
ماهوب من بالدين يخدع لْموحيه= لامن تكلم قيل كله طهاره
وهو خبيثٍ فاسدٍ في تخفيه = ماشي بدرب الغي ظنّه شطاره
يوهّق خويّه في المتاهات يرميه= ويكشف لْسرّه بين ربعه وجاره
حتى يطيح بعين خلٍ يواليه= ويصير ماله كرت نفو بدياره
صاحبك من ينصحك والنصح يمليه= دينٍ بعقلٍ مانقصه الجساره
ولو يزعلك ماخاف يومٍ تخليه= ولا هوب من حسّب لربح وخساره
همه يشوفك رجل يعرف مواطيه= له احترامه لو يؤشر اشاره
فخلك حذر في وقت بانت مواريه = ماعاد تدري مين ساير وساره
وقتٍ به الشيطان مفلوته ايديه = يرقص على انغام الغوى في الحضاره
ويجيّش جيوشٍ تخدمه وترضيه= من كل رجلٍ ما درى بانحداره
والعاقل اللي من يحسّب خطاويه= ويحسن على طول المدى باختياره

[جلال ابراهيم الصبيح]

الله الله


صح لسانك واعتلى شانك يالطائر المهاجر حكم وكلام في محله

درر ماشاء الله....سعدت بتواجدي هنا وبكوني أول المارين....دمت بخير.


بائع الورد

[نجم الإبداع]

الله الله

صح لسانك دكتورنا الفاضل

نصائح رائعه وحكمه زاهيه

لاهنت شاعرنا

لاهنت

تقبل مروري

وتقديري

[شجون القصيد]

الله الله

سلمت مشاعر تزرع سنابل الحكمه في هذه القصائد العذبه

لاجديد كالعاده الإبداع والجمال

صفتان متلازمتان في ثنايا نصوصك

لله درك مدرسه في شعرك وتوجيهاتك

صح لسانك ونبضك ارويتنا حكمه في ثنايا الروعه والعذوبه

لاهنت على امتاع الذائقه

لافض فوووك

اعجابي وتقديري

[سالم منصر الجعيدي]

كل عام وانت بخير يادكتور


وصح منطوقك وافيه من وافي

تحياتي
سالم الجعيدي

[عمر ال شيبي]

الخير ما قلته يا طير ٍ نقاويه = صدق الحكيم اللي يناور خياره

صدقت وربي صح لسانك لا هنت

[سناعيس]

ياسلام عليك يابو عبدالله
صح لسانك ولله درك
قصيدة كل بيت فيه حكمه
لاهنت يالغالي

تحياتيي

[عيدالماجد]

[rainbow]صح لسانك قصيده مليئه بالحكمه دمت مبدعا[/rainbow]

[ابو تواف]

صح لسانك ابو عبد الله

حكم مفقوده في زمان العجايب


تحياتي وتقديري الكبيرين لبوحك وحرفك


تقبل مروري

[الطائر المهاجر]

شكرا اخي جلال
على كريم الحضور والتفاعل
لاهنت
تحياتي