صوت وصدى

[احمد الكثيري]

السلام عليكم
بعد غياب عن هذا الصرح بسبب ظروف صحيه
احببت ان اسجل لكم الجديد
لقد اوردت الشاعره بساتين قصيدتها التاليه وطلعت عليها
وقد اعجبت بهذا النص تقول فيه .

حنا سعوديات حلـوات واقمـار=اجمل بنات الكون من غير تجميل
نجوم نسطع في سمانا بالانـوار=على القمر نحجر ولا يطلع الليـل
روح الحيا فينا ومنا الادب صـار=طبع السعوديات ما فيـه تبديـل
احساسنايكتب في اخلاقنا اشعـار=طيب نسبنا وصلنا زين بالحيـل
دمنا عسل فينا من الذوق مقـدار=طيب اللطافه يروي اكبادنا هيـل
فينا الشموخ جبال وقلوبنا احرار=حرات ما العيـن فينـا مداخيـل
حنا ورود الارض وعبير الازهار=حذنا من الوان الطبيعه اكاحيـل
خذنا من الحشمه لبـاس استـار=ومن ديننا خذنا صـلاة وتهليـل
فينا تذوب قلوب وقلـوب تحتـار=وليا ابتلتنا جاتها لعنـة الويـل
نغدي عليها سحب ورعود ومطار=وبروق صيفٍ يقتفيها غضب سيل

وقد جاريتها بهذا النص المتواضع

بديت باسـم الواحـد الخالـق البـار=الكون سبـح لـه وبـرق المخاييـل
اهلاً عدد ما تجـري امـواج وانهـار=واعداد من نادى الولي تالـي الليـل
قريت شعـرك ماعلـى قولـك انكـار=بنـت السعوديـه برفعـه وتفضيـل
عـن السعوديـات يابنـت الاحـرار=كتبتي اجمل نص واحلـى التفاصيـل
لا يابساتين تنعمـي عيـن الاشـرار=مثل السعوديـات مـا ينوجـد حيـل
هم زهرة الدنيـا وعطـارد والانـوار=هم بدر في وسط السماء ونجمة سهيل
هـم وردة الدنيـا يشوقـن الانظـار=هم رمـز للشيمـه وشعلـة قناديـل
هم مكرمين الضيف والخـال والجـار=من جودهم نلقى الكباشـه معاضيـل
عدوهم ياما سقـوه كـاس الامـرار=عدوهـم خلـوا كـبـوده مداهـيـل
هـذا السعوديـه كمـا شعلـة النـار=تاج الفخر من دون خدعـه وتمثيـل
في فكرها فـي رايهـا الكـل محتـار=عـزالله ان اللـي شتمهـم مهابيـل
وختامهـا يامـن قريتـم فالاشعـار=صلوا على الهادي صـدوق الاقاويـل

[مبروك بن ماضي]

الحمد لله على السلامة
وماتشوف شر ياشاعرنا الأغر
صوت وصدى رائعين بروعة حضوركما
سعدت بمصافحتي لهذين النصين باكراً
إعجابي يتجدد ويزيد
أخي المبدع /احمد الكثيري
لازال الشعر بخير طالما انك تكتبه
كن هكذا وأكثر 00 وتقبل تحياتي واحترامي ،

[عيدالماجد]

الحمدلله عالسلامه وصوت وصدى رائعين صح لسانك ولسان الشاعره تحياتي

[حي الضمير]

صح لسانك ياجزل
مجاراة رائعه وابدعت بارك الله فيك
أجزل التحايا والاحترام

[عمر ال شيبي]

صحت قلوبكم طيبه من طيبين

[الطامي]

الكثيري
صح السان الشاعره
والسانك
مجاراة طيبة جدا ورائعة
لاهنتو

[زهرة اللوتس]

الكثيري حمد لله على سلامتك
وصح لسانك ولسان الشاعرة
والنعم بالسعوديات وبكل بنات العرب
لاهنت
يعطيك العافية

تحية طيبة

[همس الورد]

صح لسااااانك و صح بدنك

بوووح مميز

[نفحات حساسة]

الحمدالله على سلامتك..احمد

وطهور وتكفير ان شاء الله

وسلمت وصح السانك على هالأبيات الرائعه

يعطيك العافيه

تحيتي..

[البواسل]

وفقك الله
على ما خطت اناملك
تحياتي