¤ô§ô ليلك الغساق ô§ô¤

[حمد الدليهي]

يامعرضني غياهب مساريك الطوال=ليلك الغساق موحش وممشاي انصدم
عنّك لديت النواظر وشديت الرحال=انهدم قصر ٍ يضمك ورى الحدب انهدم
يوم اشوفك لي غنيمه واعدك راس مال=شامخ ٍ عشقي ملك .. والمشاعر لك خدم
طفت بك ساحات صدري وسكنّتك شمال=اتقدم واتفانى واسابق من قدم
عارضك من واقع الروح ماعرضك خيال=غير عرضك قلت له لاخلا ولاعدم
الله الدايم وغيره تواليه الزوال=ابتعد من عاصمة مملكة قلب ٍ ندم
دافن ٍ سرك وللناس ماتلقى مقال=رادمه في مقبرة صمت وسلومي ردم

[عيدالماجد]

صح لسانك وعلا شانك تقبل اصدق التحيات

[عبدالله مذكر العقيلي]

صح لسانك

وعلاشانك

ولاهان راسك


تحيتي

[ترانيم المطر]

صح لسانك ولا هنت

دمت ودام تميزك

[زهرة اللوتس]

صح لسانك
لاهنت
تحية طيبة

[الـزلـزال]

حمد الدليهي
بوح متقن ومميز ورائع
من شاعر متميز ومتقن فيما قدمه
أبدعت شاعرنا وأمتعت

( وسلومي ردم )

صح لسانك ملايين ملايين
ولك فائق تحياتي وتقديري

[داعي الشوق]

صح لسانك يالشاعر حمد

و الحمدلله على السلامه

تقبل مروري السريع

ولي عودة مع التقدير لك

و لاهنت

**********

[الخنساء]

صح لسانك مليون ولايكفون
قصيدة جزلة من شاعر جزل
سلمت ودام حرفك

[عبدالله راشد الثويني]

صــح لسانك وعلا شانك شاعر جزل أبدعت وامتعت بهذا النص الراقي
تسلم يمناك على ماخطت طامعين بجديدك
تقبـّـل تحيتي

[همس الورد]

صح لسااانك مليووووووووون

و صح بدنك

بووووح رائع