أعرابي يختبر خاطب ثقافه بنته

[بنت العز]

أعرابي يختبـــر خاطـــب بنـتـه !!!






نزل أحدهم على أعرابي ضيفاً يريد الزواج من ابنته


فقال له الاعرابي :


: أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟


الضيف / تفضل .


: الاعرابي / وش الشيء اللي يضرك إذا أرتفع وإذا أنخفض ؟


الضيف / هذا الله يجيرني وإياك والعروس ... مرض السكر والضغط .


الاعرابي / : ما لك لوا ... هذا سعر البترول .


طـيـب ... من هو اللي يصلي النافلة ويترك الفرض؟


الضيف / المجنون :


: الاعرابي / صدقت ... هذي الموظفة اللي تخدم الناس
وتضيع زوجها وأولادها وبيتها طيب ...




من هو الملك اللي نزل من عرشه وضيع شعبه وأشتغل سوّاق ؟


الضيف / هذا سؤال صعب !


: الاعرابي / أبداً هذا بسيط للي يعرف الواقع ...
هذي الحرمة اللي تشرد من بيتها وتطالب بسواقة السيارات


وش الدولة اللي فيها رئيسين ؟


الضيف / ما فيه يا عمي حتى الملعب وهو ملعب
ما فيه إلا حكم واحد وعنده مساعدين


: الاعرابي / شفت إنك ما أنت داري بشي ...
هذي بيوت اللي ينادون بمساواة المرأة بالرجل.



طيب ... إذا بغيت معنى كلمة عربية وين تدور عليها ؟


الضيف / في لسان العرب أو القاموس المحيط .


: الاعرابي / ما عندك سالفة ... بوش على الذمة
ما تشوف كيف فسر لنا كلمة " إرهاب " وكل العالم وافقوه عليها


الضيف / أجل , الله يستر لا يجي اليوم اللي يفسر لنا فيه
معنى التوحيد والإسلام


: الاعرابي / طيب ... وش الوردة اللي ما تستخدمها إلا إذا ذبلت ؟


الضيف / أصلاً إذا ذبلت , ما عاد يصير لها قيمة !


: الاعرابي / صحيح ... هذول بنات هالأيام ,
البنت ما تتزوج فيهن إلا بعد ما تكبر
ويروح شبابها وهي تطرد ورى هالسراب
اللي يسمونه المستقبل!!



طيب ... منهم الأبرياء اللي يجوز قتلهم ؟


الضيف / ما فيه .


: الاعرابي / هذول ... المسلمين ،
ما تشوف لما قتلتهم أمريكا في أفغانستان ،
والعراق قالت حنا ما يمكن نقضي على الإرهاب إلا بقتلهم ،
وافقهم العالم كلّه حتى المسلمين ، .


إييييه ... الظاهر يا ضيفنا العزيز إن ما لك نصيب
في البنت لأن ما عندك (( فقه بالواقع ))




وبعدين البنت باقي تدرس وعمرها لا زال 35 سنة
وباقي توها صغيرة على الزواج!!




8
8
8
راحت عليه العروس

[داعي الشوق]

والله أعرابي محنك

الله يخلف على اللي بيخطب منه مرة ثانية

مشكورة بنت العز

،،،،،،،

[محمد عبدالله البدراني]

ههههههههههههههههه الله يرجه



سلمت بنت العز


وتشكرات كثيرات


تحيتي وتقديري

[همس الورد]

هههههههههههههههههه بنوتة

تسلمي و الله

[نفحات حساسة]

هههههههههههههههههههههههههههه

ككككككككككككككك لا بالله فلحناا

[سناعيس]

ماهوب سهل اعرابي وسياسي بعد
ههههههه
يعطيك العافيه بنت العز

تحياتي

[زهرة اللوتس]

هههههههههههههههههههههههههه
صغيرة وعمرها 35 سنه
يسلمووووووو بنت

[حوريه]

ههههههههههههه
حلوه يعطيك العافيه
...

[بنت العز]

تسلمون ولاهنتو
اسعدني مروركم جميعا
ولك تئبروني كلياتكوووون
يعطيكون العافيي

[القعود]

كتبت فاجزلت
جزيت خيراً
تحياتي